Tuchel ប្រាប់កូនក្រុមថា កុំភ័យស្លន់ស្លោ ប្រសិនឃើញ Ramos លេងជម្រើសដំបូង
- សេចក្ដីលម្អិត
- ជំពូក៖ ព័ត៌មានកីឡា
លោក Thomas Tuchel បានប្រាប់កីឡាករ Chelsea ទាំងអស់ត្រូវតាំងចិត្តកុំភ័យស្លន់ស្លោ ប្រសិនឃើញប្រធានក្រុម Real Madrid កីឡាករ Sergio Ramos ចូលលេងជម្រើសដំបូង។
លោក Zinedine Zidane បានដាក់បញ្ចូលឈ្មោះ Sergio Ramos ក្នុងបញ្ជីកីឡាករដើម្បីត្រៀមប៉ះ Chelsea ក្នុងជើងទីពីរវគ្គពាក់កណ្ដាលផ្ដាច់ព្រ័ត្រពាន Champions League យប់នេះ។
Ramos បានអវត្តមានលើទីលានជាងមួយខែ ដោយសារបញ្ហាភ្លៅ ហើយកាលពីប្រកួតជើងទីមួយពេលដែលលទ្ធផលក្រុមទាំងពីរស្មើគ្នា ១-១ គេបានត្រឹមអង្គុយមើលប៉ុណ្ណោះ។ ប្រធានក្រុមរបស់ Madrid រូបនេះបានចូលហ្វឹកហាត់ពេញម៉ោងជាមួយក្រុមកាលពីថ្ងៃច័ន្ទ និងមានឈ្មោះធ្វើដំណើរមកកាន់ទីក្រុងឡុងដ៏ផងដែរ។
ក្រោយឮដំណឹង Ramos ត្រឡប់មកវិញ Tuchel បានផ្ដាំកូនក្រុមកុំឲ្យភ័យឲ្យសោះ។ មុនការប្រកួតមកដល់លោក Tuchel បាននិយាយថា តើ Ramos លេងឬអត់? វាគឺជាសំនួរដ៏ពិបាក ព្រោះលោកក៏មិនដឹងថាគេជាពេញលេញឬនៅដែរ។ គ្រប់យ៉ាងមានតែរងចាំ Line-up ចេញសិន។
Ramos ជាប្រធានក្រុមរបស់ក្រុមជោគជ័យបំផុតនៅអឺរ៉ុប។ ប៉ុន្តែកីឡាករ Chelsea មិនត្រូវភ័យស្លន់ស្លោឡើយ លោកគិតថា Ramos នឹងលេងជម្រើសដំបូង៕