លឹម ពិសុទ្ធ៖ គ្មានអ្វីក្រៅពីសោកស្ដាយប្រកួតដំបូងនៅជម្រើជាតិតែមិនបោះបង់ការខំប្រឹងឡើយ
- សេចក្ដីលម្អិត
- ជំពូក៖ ព័ត៌មានកីឡា
លឹម ពិសុទ្ធខ្សែប្រយុទ្ធវ័យក្មេងរបស់ក្រុមជម្រើសជាតិកម្ពុជាបានបង្ហាញអារម្មណ៍សោកស្ដាយសម្រាប់ការបរាជ័យប្រកួតដំបូង ប៉ុន្តែគេមិនបោះបង់ការខំប្រឹងប្រែងឡើយសម្រាប់ប្រកួតដែលនៅសល់។
ក្រុមជម្រើសជាតិកម្ពុជា នឹងត្រូវតទល់ជាមួយក្រុខ្លាំងអ៊ឺរ៉ាក់ នៅទឹកដីប្រទេសបារ៉ែននាវេលាម៉ោង៩:៣០នាទីយប់នេះ ក្នុងការប្រកួតជម្រុះជើងទី២ជុំទី២នៃព្រឹត្តិការណ៍បាល់ទាត់ពិភពលោក ដែលគ្រោងធ្វើឡើងនៅប្រទេសកាតាឆ្នាំ២០២២។
ពិសុទ្ធ បាននិយាយថា«ខ្ញុំគ្មានពាក្យអ្វីក្រៅពីសោកស្ដាយឡើយ សម្រាប់ការបង្ហាញខ្លួនលើកដំបូងនៅជម្រើសជាតិ ហើយបរាជ័យបែបនេះ។ តែយ៉ាងណាខ្ញុំមិនបោះបង់ការប្រឹងប្រែងឡើយ សម្រាប់ប្រកួតដែលនៅសល់យើងនឹងប្រឹងប្រែងបន្តទៀត»។
រំលឹកថា ការបង្ហាញខ្លួនលើកទី១ជាមួយក្រុមជម្រើសជាតិកម្ពុជា លឹម ពិសុទ្ធ កាលចាញ់បារ៉ែន ៨-០ កាលពីពេលថ្មីៗនេះ។ តែយ៉ាងណាសម្រាប់ការបង្ហាញខ្លួនក្នុងព្រឹត្តិការណ៍ខាងលើសម្បូរទៅដោយយុវជនគឺជាទិសដៅឆ្ពោះទៅដណ្ដើមមេដាយនៅស៊ីហ្គេមឆ្នាំនេះនៅវៀតណាម និងឆ្នាំ២០២៣ ដែលកម្ពុជាធ្វើម្ចាស់ផ្ទះស៊ីហ្គេមផងដែរ៕