វិលមកវិញហើយសង្វៀនប្រដាល់ PNN ថ្ងៃទី៤ កក្កដា
- សេចក្ដីលម្អិត
- ជំពូក៖ ព័ត៌មានកីឡា
សង្វៀនប្រដាល់ PNN នឹងចាប់ផ្ដើមការប្រកួតរបស់ខ្លួនពីថ្ងៃទី៤ ខែកក្កដា ឆ្នាំ២០២១ នេះហើយខណៈបេក្ខភាពសុទ្ធតែកីឡាករឡើងកូដប្រកួតដណ្ដើមប្រាក់រង្វាន់ ៤០លានរៀល លើកម្មវិធី Ganzberg One Strike។
កម្មវិធីប្រដាល់ថ្មីរបស់ PNN នេះដែរបានចម្រាញ់រកបេក្ខភាពសុទ្ធតែជាជើងខ្លាំងមានសមត្ថភាពល្អដើម្បីធ្វើការប្រកួតឲ្យជក់ចិត្ត និងកក្រើកជូនប្រិយមិត្តអ្នកទស្សនា។
សង្វៀនថ្មីនេះគឺបានការឧបត្ថម្ភពី Ganzberg ដើម្បីរួមគ្នាជួយវិស័យកីឡាប្រដាល់គុនខ្មែរ។នេះក៏ជាការរួមចំណែកក្នុងការផ្សព្វផ្សាយគុនខ្មែរឲ្យកាន់តែរីកសុះសាយ និងជួយអភិវឌ្ឍន៍ធនធានកីឡាករជំនាន់ក្រោយឲ្យរឹតតែមានសមត្ថភាពជាបន្តបន្ទាប់ក្នុងវិស័យកីឡាប្រពៃណីមួយនេះ។
រំលឹកដែរថា សង្វៀនថ្មីរបស់ PNN នឹងធ្វើឡើងរៀងរាល់ថ្ងៃអាទិត្យ ចាប់ពីម៉ោង១រសៀលតទៅ។ ជាមួយគ្នានេះដែរកម្មវិធីថ្មីនេះបានរៀបចំបេក្ខភាព១៦នាក់ប្រកួតដណ្ដើមខ្សែក្រវាត់អមដោយទឹកប្រាក់៤០លានរៀលទៀតផង៕
