Southgate ប្រាប់កូនក្រុមអង់គ្លេសកុំឲ្យខ្លាចអាល្លឺម៉ង់ នេះជាពេលក្លាយជាវីរបុរស
- សេចក្ដីលម្អិត
- ជំពូក៖ ព័ត៌មានកីឡា
លោក Gareth Southgate បានកើនរំឮកដល់កីឡាករអង់គ្លេសទាំងអស់អាចក្លាយជាវីរបុរសបាល់ទាត់នៅយប់នេះ ពេលដែលពួកគេយកឈ្នះលើអាល្លឺម៉ង់។
អង់គ្លេសធ្លាប់ឈឺចាប់ចាញ់អាល្លឺម៉ង់នៅ Euro ១៩៩៦ ដោយបាល់ប៉េណាល់ទីកាត់សេចក្ដីវគ្គពាក់កណ្ដាលផ្ដាច់ព្រ័ត្រ។ កាលនោះលទ្ធផលម៉ោងធម្មតានិងម៉ោងបន្ថែមបញ្ចប់ត្រឹម១-១។ លុះដល់បាល់ប៉េណាលទីអង់គ្លេសចាញ់ ៦-៥។
មុនជំនួបដ៏សំខាន់វគ្គ១៦ក្រុមចុងក្រោយ Euro ២០២០ លោក Southgate បាននិយាយលើកទឹកចិត្តកូនក្រុមជាច្រើនកុំឲ្យសូវគិតពីប្រវត្តិសាស្រ្ដមុន ត្រូវបង្កើតប្រវត្តិសាស្រ្ដថ្មី។ ឆ្លងកាត់៣ប្រកួតក្នុងពូលក្រុមរហស្សនាមតោកំណាចរកបានតែ២គ្រាប់គត់។
Southgate បាននិយាយថា គ្រប់ពេលដែលអ្នកពាក់អាវជម្រើសជាតិអង់គ្លេស អ្នកមានឱកាសរកគ្រាប់បាល់ ដែលនឹងត្រូវបានបង្ហាញជារៀងរហូត។ ហើយការប្រើស្នៀតលេងបាល់ ឬបានចូលលេងក្នុងការប្រកួតវានឹងស្ថិតក្នុងការចងចាំជានិច្ច។
ការឈ្នះលើអាល្លឺម៉ង់នៅថ្ងៃនេះនឹងក្លាយជាជ័យជម្នះដ៏ធំបំផុតសម្រាប់អង់គ្លេសចាប់តាំងពីឆ្នាំ១៩៩៦។ Southgate បញ្ជាក់ថា កីឡាករអង់គ្លេសជំនាន់ថ្មីនឹងខំបន្តទៅមុខ ដើម្បីក្លាយជាវីរបុរសរបស់តោកំណាច៕