Mbappe ថាគេងមិនលក់ទេ សុំទោសអ្នកគាំទ្រដែលប៉េណាល់ទីមិនចូល
- សេចក្ដីលម្អិត
- ជំពូក៖ ព័ត៌មានកីឡា
ក្រុមបាល់ទាត់ជម្រើសជាតិបារាំង បានធ្លាក់ចេញពីពានរង្វាន់ Euro 2020 ហើយ បន្ទាប់ពីបរាជ័យដោយប៉េណាល់ទី ៥-៤ ក្រោយស្មើគ្នា ៣-៣ នៅម៉ោងប្រកួត១២០នាទី។
១គ្រាប់ដែលប៉េណាល់ទីមិនបានសម្រេចនោះ គឺជាគ្រាប់បាល់របស់ Mbappe ។ ខ្សែប្រយុទ្ធ PSG ខាងលើនេះ មានឱកាសច្រើនតាំងពីប្រកួត១២០នាទីម្ល៉េះ ប៉ុន្តែរូបគេមិនអាចសម្រេចបាន។
រហូតដល់ឱកាសប៉េណាល់ទីនៅយប់មិញនេះទៀត ក៏មិនអាចសម្រេចបានដែរ ធ្វើឱ្យក្រុមបារាំងធ្លាក់ត្រឹមវគ្គ១៦ក្រុមចុងក្រោយទៅហើយ។ ក្រោយពីបរាជ័យនេះហើយ Mbappe កីឡាករវ័យក្មេងបារាំងបាននិយាយថា៖ “ខ្ញុំសុំទោសសម្រាប់ប៉េណាល់ទី។
ខ្ញុំចង់ជួយក្រុម ប៉ុន្តែខ្ញុំមិនអាចធ្វើបាន។ វាពិតជាពិបាកក្នុងការគេងណាស់ ប៉ុន្តែនេះគឺជាបាល់ទាត់ដែលគ្រប់គ្នានឹងជួប ហើយវាក៏បានធ្វើឱ្យខ្ញុំស្រលាញ់វិស័យនេះខ្លាំងដែរ”៕
