ពីស្អែកទៅ Messi អស់កុងត្រាជាមួយ Barca ហើយ ក្លឹបណាចង់បានចរចាតម្លៃពលកម្មទៅ
- សេចក្ដីលម្អិត
- ជំពូក៖ ព័ត៌មានកីឡា
ខ្សែប្រយុទ្ធ Lionel Messi នឹងក្លាយជាកីឡាករ Free Agent ចាប់ពីស្អែកនេះទៅហើយ បន្ទាប់ពីកុងត្រាចាស់របស់គេផុតកំណត់ត្រឹមថ្ងៃ៣០ខែមិថុនាឆ្នាំ២០២១នេះ។
អស់រយៈពេលជាច្រើនខែមកហើយ ដំណើរការនៃការចរចាកុងត្រាថ្មីរបស់ក្លឹប Barelona និង Messi មិនទាន់បានសម្រេចជាផ្លែផ្កានោះទេ ដោយគ្រាន់តែលេចដំណឹងថាជិតហើយៗប៉ុណ្ណោះ។ ខណៈដែលថ្ងៃនេះជាថ្ងៃចុងក្រោយនៃកុងត្រាចាស់ទៅហើយ។
ចាប់ពីថ្ងៃ១កក្ដដាខាងមុខនេះទៅ Messi ជាកីឡាករ Free ក្លឹបណាក៏អាចចរចាជាមួយសាមីខ្លួនដើម្បីនាំយកទៅលេងបានដែរ។ ត្បិតតែយ៉ាងនេះមែន ក្រុមការងាររបស់ក្លឹបអ្នកមានបុណ្យ នៅតែជឿជាក់ថាកីឡាករអាហ្សង់ទីននឹងមិនចាកចេញពីទឹកដី បាសេណូឡា ទេ។
ដោយកុងត្រាថ្មី នឹងមានឆាប់ៗខាងមុខ ហើយក៏មិនមានក្លឹបណាមួយអាចដណ្ដើមកីឡាករវ័យ៣៤ឆ្នាំនេះពីដៃក្រុម Barcelona បានដែរ៕
