ដឹងទេដោះដូរកីឡាករបានសម្រេចម្ដងៗ ភ្នាក់ងារល្បីម្នាក់នេះស៊ីថ្លៃប៉ុន្មាន?
- សេចក្ដីលម្អិត
- ជំពូក៖ ព័ត៌មានកីឡា
លោក Mino Raiola គឺជាភ្នាក់ងារក្នុងពិភពបាល់ទាត់ដ៏មានឥទ្ធិពលម្នាក់ ហើយលោកក៏រកចំណូលបានមិនតិចដែររាល់ពេលចរចាដោះដូរកីឡាករបានសម្រេចម្ដងៗ។
Raiola ត្រូវបានគេដឹងថា ជាភ្នាក់ងាររបស់កីឡាករល្បីឈ្មោះជាច្រើនដូច Paul Pogba និង Zlatan Ibrahimovic ជាដើម។ ខ្សែប្រយុទ្ធ Erling Haaland បច្ចុប្បន្នក៏ជាអតិថិជនរបស់លោក Raiola ។
កាលពីដើមឆ្នាំនេះគេបានឃើញបុរសកូនកាត់ហូឡង់-អ៊ីតាលីបានហោះទៅអេស្ប៉ាញដើម្បីជួបជាមួយក្លឹប Barcelona និង Real Madrid ពិភាក្សារឿងអនាគតរបស់ Haaland។
ផ្អែកតាមការសិក្សមួយគេបានរកឃើញថា Raiola អាចទទួលបានចំណូលកម្រៃជើងសារជាមធ្យម ១លានដុល្លារឯណោះសម្រាប់ការចរចាផ្ទេរកីឡាករបានសម្រេចម្ដងៗ។ វាបានធ្វើឲ្យ Raiola ក្លាយជាភ្នាក់ងារដែលស៊ីថ្លៃកម្រៃជើងសារខ្ពស់បំផុតក្នុងពិភពបាល់ទាត់នាពេលបច្ចុប្បន្ន។
លោក Jorge Mendes ភ្នាក់ងាររបស់ Cristiano Ronaldo, Devid de Gea និងកីឡាករល្បីផ្សេងៗទៀតរកបានចំណូលជាមធ្យមជាង៧០ម៉ឺនដុល្លារ ក្នុងការដោះដូរសម្រេចម្ដងៗ៕
