យុនថាទោះឈ្នះម៉ាប់ឆ្វេងម្សិលមិញ៣-៤ តែខ្លួនមិនទាន់ល្អដូចមុនទេ
- សេចក្ដីលម្អិត
- ជំពូក៖ ព័ត៌មានកីឡា
ស្មាត់មកពីខេត្តកំពត យុន ថាខ្លួនបានយកឈ្នះម៉ាប់ឆ្វេង៣-៤ម្សិលមិញ ដោយសារម៉ាប់ឆ្វេងយកស្ទើរៗទេ ខណៈដែលរូបគេមិនទាន់ល្អដូចពីមុន១០០ឡើយ។
ប្អូនប្រុសបង្ហើតរបស់សុវណ្ណរាជរូបនេះបានឲ្យដឹងថា «នៅទេបងនៅទេបងមិនទាន់ល្អដូចមុនវិញទេ។ ទើបបានប្រហែល៧០-៨០ភាគរយហ្នឹង។ ដោយសារម៉ាប់ឆ្វេងគាត់យកស្ទើរៗហ្នឹងបានខ្ញុំហ៊ានត៣-៤នោះ។...បើសិនជាយើងបានលេងរាល់ថ្ងៃញឹកញាប់ៗទៅ ទើបបានល្អដូចមុនវិញ។
មើលទៅមិនងាយឡើងបានដូចមុនវិញទេបង មិនងាយបានលេងទេឡូវ ទោះមិនទាន់ល្អដូចមុនតែចាប់គូទៅគេនៅតែខ្លាច។ និយាយទៅបងបើហាត់មិនបានលេងក៏មិនឡើងមកវិញដែរ ចឹងមើលទៅប្រហែលដល់ចប់កូវីដអីទើបបានលេងរាល់ថ្ងៃវិញ»។
រំលឹកថា យុនជាអតីតកីឡាកររបស់ក្លឹបបញ្ជាការដ្ឋានអង្គរក្ស ហើយបានផ្ទេរទៅហាត់នៅស្នងការវិញក្នុងពេលកន្លងទៅ ដែលស្ថិតក្រោមការដឹកនាំរបស់លោក សោម ចំណាប់ ជាគ្រូបង្វឹក។
និយាយពីសមត្ថភាពរបស់គេបានធ្លាក់ចុះក្រោយពេលមានរបួសចង្កេះកាលពីឆ្នាំ២០២០ ដែលត្រូវបានសម្រាកព្យាបាលជាច្រើនខែ។ យ៉ាងណពេលនេះគេអាចលេងល្អវិញបណ្ដើរៗហើយ៕
