ថ្មី! Barca ដាក់ Coutinho ជាផ្នែកមួយដើម្បីដោះដូរទិញយក Aubameyang
- សេចក្ដីលម្អិត
- ជំពូក៖ ព័ត៌មានកីឡា
ក្លឹប Barcelona បានដាក់ការចាប់អារម្មណ៍លើខ្សែប្រយុទ្ធ Pierre-Emerick Aubameyang ដោយហ៊ានដាក់ Coutinho ជាផ្នែកមួយនៃការដោះដូរ។
ត្បិតតែប្រធានក្លឹប Barcelona លោក Joan Laporta ទើបតែប្រកាសថា ក្លឹបកំពុងជាប់បំណុល១,១៥ប៊ីលានផោន ប៉ុន្តែក្លឹបយក្សរបស់ La Liga មួយនេះកំពុងស្វែងរកខ្សែប្រយុទ្ធថ្មីដើម្បីបំពេញកន្លែង Lionel Messi ដែលចាកចេញ។
Barca បានបង្វែរការចាប់អារម្មណ៍លើ Aubameyang ដោយមានបំណងបញ្ចូល Coutinho ជាផ្នែកមួយនៃការចរចាដោះដូរទិញយក។ កីឡាករសញ្ជាតិហ្គាបុងចូលរួមជាមួយ Arsenal កាលពីខែ មករា ឆ្នាំ ២០១៨ ក្នុងតម្លៃខ្លួនកំណត់ត្រារបស់ក្លឹប៦០លានផោន។
គេរកបាន៨៥គ្រាប់ ក្នុងការបង្ហាញខ្លួន១៤៨ប្រកួត ជួយកាំភ្លើងធំឈ្នះ FA Cup កាលពីឆ្នាំ២០២០។ យ៉ាងណាមិញ រដូវកាលមុនគេបង្ហាញខ្លួនលេងមិនសូវបានល្អឡើយ ចាប់តាំងពីបន្ថែមកុងត្រាថ្មី៕
