គ្រូម៉ាឡេស៊ី ថាកម្ពុជាលេង Suzuki Cup ឆ្នាំនេះ ពោរពេញដោយកីឡាករមានទេពកោសល្យ
- សេចក្ដីលម្អិត
- ជំពូក៖ ព័ត៌មានកីឡា
ការប្រកួតពានរង្វាន់ AFF Suzuki Cup បានចាប់ពូលរួចរាល់ហើយកាលពីម្សិលមិញនេះ ដោយកម្ពុជានៅពូល B ជាមួយក្រុមវៀតណាម ម៉ាឡេស៊ី ឥណ្ឌូណេស៊ី និងឡាវ។
ការប្រកួតពានរង្វាន់នេះដែរ នឹងចាប់ផ្ដើមពីថ្ងៃទី៥ខែធ្នូឆ្នាំ២០២១ដល់ថ្ងៃទី១ខែមករាឆ្នាំ២០២២។ ដោយប្រទេសធ្វើជាម្ចាស់ផ្ទះនៅមិនទាន់ដឹងច្បាស់នៅឡើយទេ ដោយខាងអ្នករៀបចំនឹងប្រកាសនៅសប្ដាហ៍ក្រោយ។
កម្ពុជា ដែលមានកីឡដ្ឋានស្រស់ស្អាតទើបរួចរាល់ វិមានកីឡដ្ឋានមរតកតេជោ ក៏បានដាក់ដេញថ្លៃធ្វើម្ចាស់ផ្ទះផងដែរ។មុនការប្រកួតខាងលើចាប់ផ្ដើមនៅចុងឆ្នាំ លោក Tan Cheng Hoe គ្រូបង្វឹកក្រុមម៉ាឡេស៊ីបាននិយាយបែបនេះថា៖ “ខ្ញុំគិតថាគ្រប់ក្រុមដែលវៀតណាមនឹងប៉ះក្នុងពូលនឹងក្លាយជាគូប្រកួតដ៏ស្វិតស្វាញមិនខាន។
យើងនឹងនាំយកកម្រិតលេងខ្ពស់បំផុតគ្រប់ប្រកួត។ គោលដៅរបស់យើងនឹងឡើងទៅវគ្គបន្ទាប់។ វៀតណាមមើលទៅជាក្រុមភាគរយច្រើនពីពូល B ប៉ុន្តែយើងមិនអាចផ្ដោតតែលើគេបានទេ។ ឥណ្ឌូណេស៊ី ជាដៃគូប្រកួតប្រជែងតាំងពីដើមមក ហើយកម្ពុជាវិញក៏មានកីឡាករមានទេពកោសល្យច្រើនដែរ”៕
