Aston Villa ចាប់អារម្មណ៍ Gerrard តែប្រធានក្លឹប Rangers ថាដល់តែចាយលុយខ្លះ
- សេចក្ដីលម្អិត
- ជំពូក៖ ព័ត៌មានកីឡា
Aston Villa កំពុងចាប់អារម្មណ៍ចង់នាំយក Steven Gerrard មកកាន់ទឹកដីអង់គ្លេសក្នុងនាមជាអ្នកចាត់ការរបស់ខ្លួន ក្រោយពេលសម្រេចបណ្ដេញលោក Dean Smith ចេញកាលពីថ្ងៃអាទិត្យ បន្ទាប់ពីដឹកនាំ Aston Villa មិនបានល្អពោលគឺ១១ប្រកួតរកបានត្រឹម១០ពិន្ទុប៉ុណ្ណោះ។
ជាមួយការចាប់អារម្មណ៍នេះប្រធានក្លឹប Rangers បានផ្ដល់ជាគំនិតថា ត្រូវតែចាយលុយខ្លះទើបការចរចានេះអាចធ្វើទៅរួច។ កុងត្រារបស់ Gerrard ជាមួយ Rangers គឺដល់ឆ្នាំ២០២៤ ដូច្នេះបើសិន Aston ចង់បានគឺត្រូវចាយលុយប្រមាណជា៣,៣លានដុល្លារសម្រាប់កុងត្រាដែលនៅសល់។
រដូវកាលមុន Gerrard បានជួយឲ្យ Rangers ឈ្នះពានរបស់ស្កុតឡែន ហើយរដូវកាលនេះគេក៏កំពុងធ្វើបានល្អ ដោយជួយឲ្យក្រុមកាន់កាប់កំពូលតារាងក្នុងការប្រកួតចំនួន១៣លើកមាន៣០ពិន្ទុ។
យ៉ាងណាការចរចានេះទំនងជាត្រូវបានគេមើលឃើញថា នឹងបានជោគជ័យ ពីព្រោះតែគេចង់ផ្ដល់ឱកាសឲ្យអតីតខ្សែបម្រើអង់គ្លេសរូបនេះសាកល្បងក្នុងការដឹកនាំទល់លីគកំពូលដែលសម្បូរទៅដោយគ្រូបង្វឹកកម្រិតកំពូលៗលើលោក English Premier League ៕
