អង្គភាពកីឡាក្រសួងមហាផ្ទៃ៖ ឧបត្ថម្ភថវិកាអ្នកឈ្នះមេដាយសកលទាំង១៤គ្រឿង
- សេចក្ដីលម្អិត
- ជំពូក៖ ព័ត៌មានកីឡា
ឯកឧត្ដម ជា ប៊ុនហេង ម្សិលមិញនេះបានឧបត្ថម្ភថវិកាមួយចំនួនដល់ក្រុមកីឡាករប្រដាល់សកលរបស់មហាផ្ទៃ ឈ្នះមេដាយ១៤គ្រឿងក្នុងព្រឹត្តិការណ៍ជ្រើសរើសជើងឯកថ្នាក់ជាតិថ្មីៗនេះជាការលើកទឹកចិត្ត។
បើតាមការបង្ហោះលើហ្វេសបុកកីឡាក្រសួងមហាផ្ទៃ គឺម្សិលមិញនេះឯកឧត្ដម ជា ប៊ុន ហេង ឧបត្ថម្ភអ្នកឈ្នះមេដាយទាំង១៤គ្រឿងនៃការប្រកួតប្រដាល់សកលជ្រើសរើសជើងឯកថ្នាក់ជាតិ ឆ្នាំ២០២១។
ក្នុងនោះអ្នកឈ្នះមេដាយមាសមាន២នាក់ គឺទទួលបានការលើកទឹកចិត្តម្នាក់ៗ ៤០ម៉ឺនរៀល ចំណែកអ្នកឈ្នះមេដាយប្រាក់មាន៦នាក់ ម្នាក់ៗទទួលបាន២០ម៉ឺនរៀល និងមេដាយសំរឹទ្ធ៦នាក់ ទទួលបានម្នាក់ៗ ១០ម៉ឺនរៀលផងដែរ។
ក្រៅតែពីការឧបត្ថម្ភកីឡាករហើយនោះតំណាងកីឡាក្រសួងមហាផ្ទៃខាងលើនេះបានឧបត្ថម្ភដល់ក្លឹបចំនួន១១ ដែលចំណុះផងដែរ ដោយមួយក្លឹបទទួលបាន អង្ករ១បាវ មី២កេះ ត្រីខ២យួរ ទឹកត្រី១យួរ ទឹកស៊ីអ៊ីវ១យួរ និងថវិកា ១០ម៉ឺនរៀល៕
