បង្ហាញខ្លួនជាកីឡាករ Barca បានប៉ុន្មានម៉ោង ស្រាប់តែ Torres មានកូវីដ-១៩
- សេចក្ដីលម្អិត
- ជំពូក៖ ព័ត៌មានកីឡា
Ferran Torres ទើបតែបង្ហាញខ្លួនជាកីឡាករថ្មីរបស់ Barcelona កាលពីម្សិលមិញ ប៉ុន្តែប៉ុន្មានម៉ោងក្រោយមក គេបានតេស្ដវិជ្ជមានជំងឺកូវីដ-១៩។
កីឡាករវ័យ២១ឆ្នាំសញ្ជាតិអេស្ប៉ាញបានចុះកុងត្រារយៈពេល៥ឆ្នាំកន្លះជាមួយ Barca ដែលគេដឹងថាមានតម្លៃខ្លួន៤៦,៧លានផោន បូកជាមួយប្រាក់លើកទឹកចិត្តផ្សេងៗ៨លានផោនបន្ថែមទៀត។
Barca បានដាក់តម្លៃទិញផ្ដាច់កុងត្រារបស់ Torres ដល់ទៅ១ប៊ីលានអឺរ៉ូឯណោះ។ដំបូងឡើយ Torres ត្រូវបានរំពឹងនឹងអាចបង្ហាញខ្លួនប្រកួតដំបូងនៅ Spanish Super Cup វគ្គពាក់កណ្ដាលផ្ដាច់ព្រ័ត្រទល់នឹង Real Madrid នៅថ្ងៃទី ១២ ខែ មករា។
ប៉ុន្តែការបង្ហាញខ្លួនដំបូងរបស់គេពេលនេះត្រូវពន្យារពេលហើយ បន្ទាប់ពី Barca បានប្រកាសថា Torres វិជ្ជមានកូវីដ-១៩ ជាមួយមិត្តរួមក្រុម Pedri៕