បណ្តាញសង្គម

កីឡាករ​ PL មិន​តម្រូវ​ឲ្យ​​លុត​ជង្គង់​ ​រៀងរាល់​មុន​ពេល​ប្រកួត​ទៀត​ទេ​ចាប់​ពី​រដូវកាល​ថ្មី​តទៅ

 

កីឡាករនៅ Premier League មិនតម្រូវឲ្យលុតជង្គង់រៀងរាល់មុនពេលប្រកួតទៀតទេចាប់រដូវកាលឆ្នាំ២០២២/២៣ តទៅ។

កន្លងទៅចាប់ពីខែមិថុនា ឆ្នាំ២០២០ រហូតមក កីឡាករ PL តម្រូវឲ្យលុតជង្គង់រៀងរាល់មុនពេលប្រកួតគឺ ដើម្បីបង្ហាញពីការចូលរួមគាំទ្រយុទ្ធនាការ Black Live Matter ដែលជាយុទ្ធនាការលើកកម្ពស់ការលុបបំបាត់ការរើសអើងពណ៌សម្បុរ និងការរើសអើងនានា ដែលបានកើតឡើងក្រោយប៉ូលិសនៅសហរដ្ឋអាមេរិកបានធ្វើអនុវត្តច្បាប់ជ្រុលធ្វើឲ្យស្លាប់បុរសជនជាតិស្បែកខ្មៅម្នាក់យ៉ាងអធិកអធម។

ចាប់ពីរដូវកាលថ្មីតទៅនេះ កីឡាករ PL នឹងលុតជង្គង់នៅក្នុងពេលប្រកួតសំខាន់ៗមួយចំនួនប៉ុណ្ណោះដូចជាប្រកួតនៅខែតុលា មីនា ក្នុងពេល Boxing Day, ការប្រកួតវគ្គផ្ដាច់ព្រ័ត្រនៃ PL, FA Cup និង League Cup ៕