Conte ថា ត្រូវការកីឡាករថ្មីយ៉ាងតិច២នាក់ទៀតដើម្បីប្រជែងនៅរដូវកាលនេះ
- សេចក្ដីលម្អិត
- ជំពូក៖ ព័ត៌មានកីឡា
អ្នកចាត់ការរបស់ Spurs លោក Antonio Conte គិតថា លោកត្រូវការកីឡាករចំណូលថ្មីយ៉ាងតិច២នាក់ទៀតដើម្បីប្រកួតប្រជែងនៅ Premier League។
Spurs បច្ចុប្បន្នមាន១០ពិន្ទុស្មើគ្នាជាមួយក្រុមការពារជើងឯក Manchester City ក្នុងលីគ បន្ទាប់ពីឈ្នះ៣ប្រកួតក្នុងចំណោមការប្រកួតបើកឆាកទាំង៤ប្រកួតរបស់ពួកគេ។
Conte បានផ្លាស់ប្ដូរតិចតួចបំផុតសម្រាប់ជម្រើស១១នាក់របស់លោក ប៉ុន្តែគិតថា Spurs នៅតែត្រូវពង្រឹងនៅតំបន់សំខាន់ៗបន្ថែមទៀត។ “ប្រសិនបើប្រៀបធៀបទៅនឹងរដូវកាលមុន ពួកយើងល្អជាងមុន។
ប៉ុន្តែដើម្បីឈានទៅដល់ក្រុមផ្សេងទៀតនៅកម្រិតកំពូល ពួកយើងត្រូវការពេលវេលា ការអត់ធ្មត់ និងទីផ្សារដោះដូរកីឡាករថ្មីយ៉ាងតិច២នាក់ទៀតដើម្បីឈានទៅកាន់កម្រិតស្មើគ្នាជាមួយក្រុមខ្លាំងៗ"។ សម្ដី Conte៕