De Bruyneថា គោលដៅមហាជនរិះគន់ Grealish គឺមិនមែនរឿងលេងមិនកើតឲ្យ Man City នោះទេ
- សេចក្ដីលម្អិត
- ជំពូក៖ ព័ត៌មានកីឡា
ខ្សែបម្រើ Kevin De Bruyne បានឆ្លើយតបទៅកាន់សារព័ត៌មាននៅក្នុងថ្ងៃនេះថា រឿងមហាជនរិះគន់ Jack Grealish គឺគោលដៅចម្បងមិនរិះគន់គេរឿងលេងមិនកើតឲ្យ Manchester City នោះទេ គឺព្រោះតែគេជាកីឡាករអង់គ្លេស។
De Bruyne បាននិយាយថា៖" ការរិះគន់កន្លងមកនេះគឺមិនមែនដោយគេលេងបាល់ទាត់មិនកើតអីនោះទេ។ រឿងគឺក្រៅពីបាល់ទាត់ និយាយទៅរឿងរ៉ាវទាំងអស់ផ្ដោតលើកីឡាករអង់គ្លេស។
ខ្ញុំយល់ព្រោះតែពួកគេជាកីឡាករអង់គ្លេស អញ្ចឹងមនុស្សតែងតែចង់ពាក់ព័ន្ធនឹងគេរហូត "៕ កីឡាករនេះបន្តថា៖" ខ្ញុំមានអារម្មណ៍ថា បើជាកីឡាករបរទេស បើយើងទៅក្លឹបអីពេលយប់ មិនសូវមានអ្នកមកដានយើងនោះទេ តែបើជាកីឡាករអង់គ្លេសវិញ ច្បាស់ណាស់សារព័ត៌មានផ្សាយពេញហ្នឹង។
ខ្ញុំគិតថាមនុស្សចង់ដឹងរឿងគេច្រើនពេក ចង់ថាគេធ្វើអីក្នុងជីវិតឯកជនរបស់គេ។ រឿងទាំងនេះអ្នកក្រៅមិនគួរដឹងទេ តែពួកគេនៅតែចង់ដឹង "។ Jack Grealish ផ្លាស់ពី Aston មក Man City ក្នុងតម្លៃ ១១៧.៥០លានអ៊ឺរ៉ូ ដែលជាចំណោមតម្លៃដ៏ខ្ពស់បំផុតប៉ុន្តែតម្លៃដែលចំណាយ និងគុណភាពគេនៅក្លឹបនេះត្រូវបានអ្នកគាំទ្ររិះគន់មិនសម ហើយនៅតែបន្តរិះគន់គេបន្តបន្ទាប់ ទាំងបាល់ទាត់និងជីវិតឯកជន៕