ផ្អើលហើយ! តោកំណាចអង់គ្លេស ប៉ះបារាំង វគ្គ៨ក្រុម World Cup 2022 នេះ
- សេចក្ដីលម្អិត
- ជំពូក៖ ព័ត៌មានកីឡា
ក្រុមជម្រើសជាតិអង់គ្លេស នឹងត្រូវតតាំងជាមួយក្រុមជម្រើសជាតិបារាំងនៅវគ្គ៨ក្រុមចុងក្រោយពានរង្វាន់ FIFA World Cup 2022 នេះ បន្ទាប់ពីពួកគេយកឈ្នះលើគូប្រកួតបានដូចគ្នានៅយប់មិញ។
បារាំងបានយកឈ្នះលើក្រុមប៉ូឡូញក្នុងលទ្ធផល ៣-១ ដោយខ្សែប្រយុទ្ធ Kylian Mbappe រកបាន២គ្រាប់ និង Giroud រកបាន១គ្រាប់។ ស្របពេល១គ្រាប់របស់ក្រុមប៉ូឡូញវិញរកបាននៅចុងម៉ោងទៅហើយ ដោយខ្សែប្រយុទ្ធ Robert Lewandowski ធ្វើបានដោយបាល់ប៉េណាល់ទី។
ងាកទៅខាងអង់គ្លេសវិញ ក៏មិនធម្មតាដែរ ពោលគឺពួកគេលត់ក្រុមសេណេហ្គាល់បានដល់ទៅ ៣-០ ឯណោះ។ ដោយ៣គ្រាប់នោះរកបានដោយ Henderson , Kane និង Saka ។
ការទទួលបានជ័យជម្នះដូចគ្នានៅវគ្គ១៦ក្រុមចុងក្រោយនេះ ធ្វើឱ្យក្រុមអង់គ្លេស និងបារាំង ត្រូវឡើងទៅប៉ះគ្នានៅវគ្គ៨ក្រុមចុងក្រោយពានរង្វាន់ FIFA World Cup 2022 នេះហើយ។ ការប្រកួតនឹងធ្វើឡើងនៅថ្ងៃទី ១១ខែធ្នូឆ្នាំ២០២២ខាងមុខ៕
