Kloppថា លោកមិនចាកចេញពី Liverpool ឡើយបើក្លឹបមិនប្រាប់ឲ្យចាកចេញ
- សេចក្ដីលម្អិត
- ជំពូក៖ ព័ត៌មានកីឡា
លោក Jurgen Klopp អ្នកចាត់ការក្លឹប Liverpool បាននិយាយនៅក្នុងសន្និសីទកាសែតនៅក្នុងថ្ងៃនេះមុនការប្រកួតតទល់នឹងក្លឹប Wolves ក្របខ័ណ្ឌ FA Cup យប់នេះថា លោកមិនចាកចេញពីក្លឹបឡើយ បើខាងក្លឹបមិនប្រាប់ឲ្យចាកចេញ។
លោក Klopp បាននិយាយថា៖" ខ្ញុំនឹងនៅបន្តដឹកនាំក្លឹបនេះទៀតតាមអ្វីដែលខ្ញុំចង់បាន។ បើគ្មាននរណាគេម្នាក់ប្រាប់ខ្ញុំឲ្យចាកចេញពីតំណែងនេះ ខ្ញុំនឹងមិនចាកចេញឡើយ។ នៅក្នុងចំណុចនេះគឺថាយើងត្រូវការផ្លាស់ប្ដូរក្នុងក្លឹបយើង។ យើងនឹងឃើញត្រង់ចំណុចហ្នឹង តែរឿងនេះមិនមែនកើតឡើងឥឡូវទេ គឺសម្រាប់ពេលអនាគតគឺ ចាប់ពីរដូវកាលក្ដៅខាងមុខអីអញ្ចឹងទៅ"។
លោកបន្តថា៖" ខ្ញុំត្រូវការពេលគិតពីរឿងហ្នឹងឲ្យច្បាស់លាស់ ឥឡូវនេះគឺយើងត្រូវធ្វើយ៉ាងណាទាត់បាល់ឲ្យល្អប្រសើរសិន "។
នៅក្នុងរដូវកាលនេះ Liverpool មិនទទួលបានលទ្ធផលល្អក្នុងការប្រកួតក្នុងក្របខ័ណ្ឌ Premier League ឡើយដោយពេលនេះកំពុងឈរនៅចំណាត់ថ្នាក់ទី៩ ក្នុងតារាងប្រកួត ព្រោះកីឡាករបង្គោលៗរបស់ក្លឹបកំពុងមានរបួសមិនអាចចូលរួមជួយក្រុមបាន៕
