SEA GAMES 2023 ទទួលបានការវាយតម្លៃជាវិជ្ជមានពីទស្សនិកជនកម្ពុជា

សេចក្ដីលម្អិត

ជំពូក៖ ព័ត៌មានកីឡា

ព្រឹត្តិការណ៍កីឡាអាស៊ីអាគ្នេយ៍ឆ្នាំ២០២៣ (SEA Games 2023) បានទទួលជោគជ័យយ៉ាងត្រចះត្រចង់ នេះបើយោងតាមទស្សនិកជនកម្ពុជា និងអន្តរជាតិដែលបានចូលរួមព្រឹត្តិការណ៍នេះ។

ការប្រកួតដែលបានចាប់ផ្តើមនៅថ្ងៃទី 5 ខែឧសភា ឆ្នាំ 2023 បានទទួលការវាយតម្លៃជាវិជ្ជមានពីទស្សនិកជន ដែលបានកោតសរសើរដល់ការរៀបចំព្រឹត្តិការណ៍ ការរីកចម្រើនរបស់ក្រុមអត្តពលិកកម្ពុជា និងការប្រកួតបាល់ទាត់ចុងក្រោយ។

ឆ្លើយតបនឹងសំណួរថា តើអ្នកមានអារម្មណ៍យ៉ាងណានៅទីនេះ? អ្នកចូលរួមម្នាក់បានសម្ដែងចំណាប់អារម្មណ៍ថា៖ «អាកាសធាតុក្តៅ ប៉ុន្តែរីករាយខ្លាំងណាស់»។ មតិពីទស្សនិកជនម្នាក់ទៀតបានសរសើរពីភាពរីកចម្រើនរបស់ក្រុមអត្តពលិកកម្ពុជា ដោយបញ្ជាក់ថា៖ «ក្រុមបាល់ទាត់យើងពិតជាកាន់តែរីកចម្រើនឡើង ហើយយើងអាចមើលឃើញពីផលវិជ្ជមានរបស់ Coach Honda ដែលបានបំពេញការងារល្អសម្រាប់ក្រុមកម្ពុជា!»។ នេះជាសម្ដីរបស់ទស្សនិកជនបរទេសម្នាក់ឈ្មោះ Mo' Ammar Galssha Annand។

ទស្សនិកជនមានការចាប់អារម្មណ៍ជាពិសេសចំពោះការប្រកួតបាល់ទាត់ចុងក្រោយដែលត្រូវបានពិពណ៌នាថា "គួរឱ្យរំភើប" និងមាន "ភាពតានតឹងខ្ពស់" ។ ក្រៅពីព្រឹត្តិការណ៍កីឡា ទស្សនិកជនក៏បានស្ងើចសរសើរពីភាពកក់ក្ដៅ និងការស្វាគមន៍របស់ប្រជាជនកម្ពុជាចំពោះបណ្ដាភ្ញៀវក្នុងព្រឹត្តិការណ៍ស៊ីហ្គេមផងដែរ។អ្នកចូលរួមម្នាក់បាននិយាយថា៖ «ប្រជាជនកម្ពុជានៅទីនេះមានចិត្តសប្បុរស និងរួសរាយរាក់ទាក់។ គណៈកម្មាធិការរៀបចំព្រឹត្តិការណ៍ស៊ីហ្គេមបានរៀបចំ កន្លែងពិតជាស្អាត ស្អាត ផាសុខភាព និងមានបុណ្យ។ ខ្ញុំក៏ស្រលាញ់កម្ពុជាដែរ ដែលពោរពេញដោយការគាំទ្រ និងការដាក់ខ្លួនគោរពភ្ញៀវ»។

ស៊ីហ្គេមឆ្នាំ 2023 ក៏បានផ្តល់វេទិកាមួយសម្រាប់ការផ្លាស់ប្តូរវប្បធម៌ និងកីឡា ដោយមានប្រជាជនមកពីប្រទេសជិតខាងជាច្រើនបានចូលរួមក្នុងព្រឹត្តិការណ៍នេះ។ប្រជាជនកម្ពុជាមានការរំភើបរីករាយដែលបានជួបមនុស្សថ្មី និងស្វែងយល់ពីវប្បធម៌ និងកីឡាផ្សេងៗ។

គុនខ្មែរ ដែលជាក្បាច់គុនបុរាណខ្មែរ ក៏ត្រូវបានណែនាំដល់ប្រទេសជិតខាងផងដែរ ដើម្បីលើកកម្ពស់ការផ្លាស់ប្តូរវប្បធម៌បន្ថែមមួយកម្រិតទៀត។ សរុបមក SEA Games 2023 បានទទួលជោគជ័យយ៉ាងត្រចះត្រចង់ ដោយទស្សនិកជនមកពីទាំងក្នុងស្រុក និងក្រៅប្រទេសជាច្រើនបានកោតសរសើរចំពោះការរៀបចំរបស់ប្រទេសម្ចាស់ផ្ទះ ការរីកចម្រើនរបស់ក្រុមកម្ពុជា ការប្រកួតបាល់ទាត់ចុងក្រោយ និងការទទួលស្វាគមន៍យ៉ាងកក់ក្តៅរបស់ប្រជាជនកម្ពុជា។

ព្រឹត្តិការណ៍នេះមិនត្រឹមតែបង្ហាញនូវអត្តពលិកកំពូលៗក្នុងតំបន់ប៉ុណ្ណោះទេ ប៉ុន្តែថែមទាំងផ្តល់ឱកាសសម្រាប់ការផ្លាស់ប្តូរវប្បធម៌ និងកីឡាផងដែរ។ SEA Games 2023 ពិតជាការប្រារព្ធពិធីវប្បធម៌ និងកីឡាអាស៊ីអាគ្នេយ៍ប្រាកដមែន។

អត្ថបទដោយ៖ Isabel Ninaomi Orlinga

ដកស្រង់ពី៖ Sabay