ផ្លូវការ៖ Real ទិញកីឡាករអង់គ្លេស ១៩ឆ្នាំក្នុងតម្លៃប្រមាណ ១១០លានដុល្លារ
- សេចក្ដីលម្អិត
- ជំពូក៖ ព័ត៌មានកីឡា
ក្លឹបអធិរាជសអេស្ប៉ាញ Real Madrid ទិញបានខ្សែបម្រើសញ្ជាតិអង់គ្លេស Jude Bellingham ពី Dortmund បានហើយនៅក្នុងថ្ងៃពុធនេះ។បើយោងតាមសេចក្ដីថ្លែងការណ៍របស់ក្លឹប កីឡាកររូបនេះបានចុះកុងត្រាជាមួយ Real រយៈពេល ៦ឆ្នាំ។
ខាង Real Madrid មិនប្រកាសថាទិញពី Dortmund ក្នុងតម្លៃប៉ុន្មាននោះទេ តែបើតាមការចុះផ្សាយរបស់សារព័ត៌មាននានា ក្លឹបនេះបានទិញកីឡាករកើតឆ្នាំ២០០៣រូបនេះក្នុងតម្លៃ ១១១លានដុល្លារអាមេរិក ហើយបូកបាចជាមួយថ្លៃនេះថ្លៃនោះទៀត Real អាចនឹងចំណាយរហូតដល់ ១៤៥លានដុល្លារ។
សូមជម្រាបផងដែរថា Jude Bellingham ជាកីឡាករវ័យក្មេងមួយរូប ដែលបង្ហាញទម្រង់លេងល្អគួរឱ្យកត់សម្គាល់នៅក្នុងក្រុមជម្រើសជាតិអង់គ្លេស និងក្លឹប Dortmund។ កីឡាកររូបនេះលេងឱ្យ Dortmund តាំងពីឆ្នាំ២០២០ ហើយមកទល់ពេលនេះលេងបានសរុប ១៣២ប្រកួត ហើយរកគ្រាប់បាល់បាន ២៤គ្រាប់៕
