PSG ត្រៀមតែងតាំងលោក Enrique ជាអ្នកចាត់ការថ្មី
- សេចក្ដីលម្អិត
- ជំពូក៖ ព័ត៌មានកីឡា
ក្លឹបយក្សបារាំង PSG កាន់តែខិតជិតក្នុងការតែងតាំងលោក Luis Enrique អតីតគ្រូបង្វឹកអេស្ប៉ាញ ជាអ្នកចាត់ការថ្មីរបស់ក្លឹប។
យោងតាមការចុះផ្សាយរបស់អ្នកសារព័ត៌មានល្បីឈ្មោះ Fabrizio Romano បានឲ្យដឹងថា ការចរចារវាងភាគី PSG និងភាគី Luis Enrique បានឈានដល់ចំណុចចុងក្រោយហើយ ដោយភាគីទាំងពីរកាន់ខិតជិតរកគ្នា។ ភាគីទាំងសងខាងកំពុងចរចារឿងប្រាក់ឈ្នួល និងរឿងលម្អិតមួយចំនួនទៀត។
បើតាមសេចក្ដីរាយការណ៍ដដែល ការតែងតាំងនឹងធ្វើឡើងក្នុងអំឡុងសប្ដាហ៍នេះ បើគ្មានអ្វីប្រែប្រួលនោះទេ។ លោក Luis Enrique ជាអ្នកចាត់ការមានបទពិសោធន៍។ លោកធ្លាប់មានប្រវត្តិដឹកនាំក្រុមជម្រើសជាតិអេស្ប៉ាញដល់ទៅពីរលើក និងធ្លាប់ជាអ្នកចាត់ការក្លឹបអ្នកមានបុណ្យ Barcelona៕
