លោក ប្រាក់ សុវណ្ណារ៉ា ទម្លាយមូលហេតុចាកចេញពីបឹងកេត
- សេចក្ដីលម្អិត
- ជំពូក៖ ព័ត៌មានកីឡា
កាលពីពេលថ្មីៗនេះលោក ប្រាក់ សុវណ្ណារ៉ា ដែលជាគ្រូបង្វឹកទើបជួយឲ្យបឹងកេតលើកពានលីគកំពូលកម្ពុជាកាលពីឆ្នាំ២០១៦ បានធ្វើការចាកចេញពីក្លឹបម្ចាស់ជើងឯកពីរសម័យកាលមួយនេះ។ ជាមួយចម្ងល់មួយនេះតើប្រិយមិត្តដឹងទេថា ហេតុអ្វីបានជាប្អូនប្រុសលោក ប្រាក់ វុទ្ធី រូបនេះចែកផ្លូវគ្នាជាមួយបឹងកេត?
ឆ្លើយតបជាមួយសំនួររបស់ Sabay យ៉ាងខ្លីលោកបានឲ្យដឹងថា គឺមកពីការចរចាគ្នាមិនត្រូវរវាងក្លឹប និងលោកផ្ទាល់លើកិច្ចសន្យា។ ជាងនេះទៅទៀតគឺមកពីក្លឹបមិនពេញចិត្តចំពោះលទ្ធផល ដែលទទួលបានដូចសព្វថ្ងៃ។ ចំពោះការធ្វើជាគ្រូបង្វឹកក្លឹបផ្សេង លោកមិនទាន់ដឹងនៅឡើយ ម្យ៉ាងទៀតក្លឹបនៅក្នុងលីគកំពូលកម្ពុជាទាំងអស់មានគ្រូបង្គោលរួចរាល់ហើយដែរ។ លោកបានបញ្ចេញអារម្មណ៍ថា វាជារឿងធម្មតាទៅហើយ ក្នុងវិស័យបាល់ទាត់។
សូមបញ្ជាក់ថា លោកប្រាក់ សុវណ្ណារ៉ា បានចូលខ្លួនមកដឹកនាំក្លឹបបឹងកេតអង្គរដើមឆ្នាំ២០១៥ពីររដូវកាលកន្លងមកលោកបានជួយ បឹងកេតលើកពានលីគកំពូលកម្ពុជាឆ្នាំ២០១៦ និងទទួលបានជើងឯករងពានរង្វាន់ Toyota Mekong Club Championship 2015៕
ដកស្រង់ពី៖ Sabay