Faiz Subri ឈ្នះពាន FIFA Puska ក្លាយជាកីឡាករអាស៊ីទី១ឈ្នះពាននេះ
- សេចក្ដីលម្អិត
- ជំពូក៖ ព័ត៌មានកីឡា
កីឡាករម៉ាឡេស៊ី Faiz Subri បានឈ្នះពានរង្វាន់គ្រាប់បាល់ល្អបំផុតប្រចាំឆ្នាំ២០១៦ FIFA Puskás Award កាលពីយប់មិញនៅទីក្រុងZurich។
ការទាត់បាល់ពិន័យពីចម្ងាយ របស់កីឡាករម៉ាឡេស៊ីរូបនេះ កើតមានក្នុងព្រឹត្តិការណ៍ពានរង្វាន់ Malaysia Super League ហើយទទួលបានសំឡេង បោះឆ្នោតពេញចិត្តរហូតដល់ ៥៩.៤៦ភាគរយឲ្យក្លាយជា គ្រាប់បាល់ដ៏អស្ចារ្យ ជាងគេបំផុតទូទាំង ពិភពលោកប្រចាំឆ្នាំ២០១៦។ រូបគេក្លាយជាកីឡាករអាស៊ីទីមួយ ដែលបានឈ្នះពានរង្វាន់ដ៏អស្ចារ្យនេះ។ កន្លងមកកីឡាករអាស៊ីដែលធ្លាប់ជាប់ឈ្មោះគ្រាប់បាល់ល្អក្នុងការប្រកួតប្រជែងដូចជាកីឡាករជប៉ុន Kumi Yokoyama និង Hisato Sato ព្រមទាំងកីឡាករអូស្ត្រាលី Lisa de Vanna និង Tim Cahill ប៉ុន្តែពួកគាត់មិនបានឈ្នះឡើយ៕
ដកស្រង់ពី៖ Sabay