Hernandez កោរ​ត្រងោល​ពេល​ប៉ះ Atletico យប់​មិញ​ដោយ​សារ​មូលហេតុ​ចម្លែក​មួយ​

សេចក្ដីលម្អិត

ជំពូក៖ ព័ត៌មានកីឡា

Bayer Leverkusen បានខ្ទាតចេញ ពីកម្មវិធី UEFA Champions League ត្រឹមវគ្គ១៦ ក្រុមចុងក្រោយ បន្ទាប់ពីស្មើគ្នា ជើងទីពីរ ០-០ (ជើងទីមួយចាញ់ ២-៤) ទល់នឹង Atletico Madrid នៅទឹកដី អេស្ប៉ាញ។

អ្វីដែលគួរឲ្យ ចាប់អារម្មណ៍ ក្នុងការប្រកួត យប់មិញនេះគឺ ខ្សែប្រយុទ្ធឆ្នើម Javier Hernandez របស់ Leverkusen បានបង្ហាញខ្លួន លើទីលានមាន ក្បាលត្រងោល ខុសពីរាល់លើក ដែលគេតែលេចមុខ ជាមួយនឹង ម៉ូតសក់ផ្សេងៗ។ មូលហេតុដែល កោរត្រងោល បែបនេះត្រូវបាន អតីតកីឡាករ Manchester United បកស្រាយលើ Instagram ថា ដោយសារខ្លួនចាញ់ ការភ្នាល់ប្រកួតបាល់ឱប អាមេរិកកាំង (American football) រវាងក្រុម Atlanta Falcons និង New England Patriots៕

ដកស្រង់ពី៖ Sabay