សាខាទី១ឫស្សីកែវ លត់ឃុំអន្លង់រមៀតធ្ងន់ធ្ងរពាន Acleda Cup
- សេចក្ដីលម្អិត
- ជំពូក៖ ព័ត៌មានកីឡា
ក្រុមបាល់ទាត់ សាខាទី១ឫស្សីកែវ លត់ក្រុមសាខា ស្រុកកណ្ដាលស្ទឹង ឃុំអន្លង់រមៀត រហូតដល់ទៅ ១២-០ នៃការប្រកួតពានរង្វាន់ Acleda Cup 2017 វគ្គសន្សំពិន្ទុតាមពូលនៅទីលានវេស្ទើនកាលពីថ្ងៃសៅរ៍ចុងសប្ដាហ៍កន្លងទៅថ្មីៗនេះ។
នៅទីលានជាមួយគ្នានោះមានមួយគូទៀតគឺក្រុម សាខាផ្សារដើមថ្កូវចាញ់ក្រុម សាខាបាទី១-០។ ពីរក្រុមនេះស្ថិតនៅពូល C ដែល ៤ប្រកួតកន្លងមក របស់ផ្សារដើមថ្កូវចាញ់ទាំង ៤ ខណៈ ៤ប្រកួតរបស់បាទីឈ្នះ២ ស្មើ ១ និងចាញ់១ប្រកួត។
ចំណែកសាខាឫស្សីកែវ និង សាខាស្រុកកណ្ដាលស្ទឹង ឃុំអន្លង់រមៀត គឺស្ថិតនៅពូល D ដែល ៤ប្រកួតកន្លងមករបស់សាខាឫស្សីកែវឈ្នះ ៣ និងចាញ់ ១ ឯសាខាស្រុកកណ្ដាលស្ទឹង ឃុំអន្លង់រមៀតវិញ ៤ប្រកួតមិនទាន់ រកបានមួយពិន្ទុឡើយ ពោលគឺចាញ់ទាំងអស់។
រដូវកាល ២០១៧ នេះមានចំនួន ៦៧ក្រុមដែលធ្វើការបែងចែកជា ៨ពូល ដោយធ្វើការប្រកួត ជម្រុះសន្សំពិន្ទុតាមពូលនីមួយៗ។ ក្រុមដែលមានពិន្ទុលើគេចំនួន ២ក្រុមនៅតាមពូលនីមួយៗ នឹងទទួលបានសិទ្ធិឡើងទៅលេងនៅវគ្គ ៣២ក្រុមជាបន្តទៀត៕
ដកស្រង់ពី៖ Sabay