McGregor ហាត់​ប្រដាល់​សកល តែ​ចេញ​ក្បាច់​ MMA គំរាម Floyd

សេចក្ដីលម្អិត

ជំពូក៖ ព័ត៌មានកីឡា

Conor McGregor បានបង្ហាញ រូបភាព ជាច្រើន សន្លឹក នៃការ ផ្ដួលដៃគូ សមលើសង្វៀន អំឡុងពេល ហ្វឹកហាត់ ប្រដាល់សកល មុនជួប Floyd Mayweather នៅថ្ងៃទី ២៦ ខែ សីហា ខាងមុខ។

តាមរូបទាំងនោះ គេឃើញលោក Joe Cortez បានបំពេញ តួនាទី ជាអាជ្ញាកណ្ដាល ហើយអ្វីដែល ចាប់អារម្មណ៍ លោកបាន ប្រញាប់ប្រញាល់ រត់ទៅឃាត់ ពេលឃើញ McGregor រត់ទៅ ថែមគូប្រកួត សមដែលកំពុង លុតជង្គង់ លើសង្វៀន ទៅហើយ។

ត្បិតតែហាត់ ប្រដាល់សកល តែម្ចាស់ខ្សែក្រវាត់ UFC ទម្ងន់ lightweight បានព្យាយាម ទៅថែម ដៃគូបែបក្បាច់ MMA តែតាមពិត ទៅនេះគ្រាន់ តែជាសកម្មភាព កំញើញទៅ កាន់ Floyd ប៉ុណ្ណោះ។ ជាទម្លាប់ McGregor តែងតែ បង្ហាញរូប អំពីការហ្វឹកហាត់ របស់ខ្លួនម្ដងៗ ដើម្បីជាផ្នែក មួយធ្វើឲ្យ ជះឥទ្ធិពលដល់ Floyd Mayweather។ ការប្រកួត ក្នុងទ្រុង កីឡាករអៀរឡង់ រូបនេះជា អធិរាជមួយ រូបនៅស្ថាប័ន UFC ដោយធ្លាប់ប្រកួត ២៤ដង ឈ្នះ ២១ ចាញ់តែ៣ ដងប៉ុណ្ណោះ៕

ដកស្រង់ពី៖ Sabay