Zltatan៖ ខ្ញុំនឹងត្រលប់មកវិញជាមួយភាពខ្លាំងជាងមុន ដើម្បី United
- សេចក្ដីលម្អិត
- ជំពូក៖ ព័ត៌មានកីឡា
Zlatan Ibrahimovic សន្យាថា ខ្លួននឹងខ្លាំងជាងមុន ពេលដែលត្រលប់លេងឲ្យ Manchester United សាជាថ្មី។
ខ្លាចាស់ស៊ុយអែតរូបនេះខកខានមិនអាចចូលទីលានតាំងពីខែ មេសា ប៉ុន្តែតាមការរំពឹងទុកគេនឹងអាចត្រលប់មកវិញនៅមុនដាច់ឆ្នាំនេះ បន្ទាប់ជាពីរបួសជង្គង់។ ត្បិតតែឈានចូលវ័យ៣៦ឆ្នាំ កាលពីខែ មុន Ibrahimovic មានទំនុកចិត្តថា នឹងវិលរកទម្រង់ដើមវិញ ដែលគេមានកាលពីរដូវកាលមុខ។
“រឿងដំបូងដែលខ្ញុំនិយាយប្រាប់ខ្លួនឯង ការបោះបង់មិនមែនជាជម្រើសល្អទេ។ ខ្ញុំបានមកដល់ទីនេះ ហើយខ្ញុំនឹងបញ្ចប់ការងាររបស់ខ្ញុំ។ ខ្ញុំនឹងឈប់លេង ពេលដែលខ្ញុំចង់ តែនៅពេលនេះខ្ញុំនៅចង់លេងនៅឡើយ។ ខ្ញុំបានកំណត់ខ្លួនឯង នឹងត្រលប់មកវិញឲ្យប្រសើរនិងខ្លាំងជាងមុន។ នេះជាគោលដៅរបស់ខ្ញុំ ហើយវានឹងកើតឡើង"៕
ដកស្រង់ពី៖ Sabay