គ្រូបឹងកេតថា ប្រកួតល្ងាចនេះមិនមានគ្រាប់បាល់ច្រើនដូចនៅវៀតណាមទេ
- សេចក្ដីលម្អិត
- ជំពូក៖ ព័ត៌មានកីឡា
លោក ហៅ សុជាតិ គ្រូបង្វឹកក្រុមបឹងកេតយល់ឃើញថាការប្រកួតនៅល្ងាចម៉ោង៧នេះជាមួយក្រុមSanna Khánh Hòa BVN FC នឹងមិនមានគ្រាប់បាល់ច្រើនដូចកាលពីជើងទី១កន្លងទៅនោះទេ។
កាលពីប៉ះគ្នានៅទឹកដីវៀតណាមក្រុមបឹងកេតនិង Sanna Khánh Hòa BVN FC មានលទ្ធផលស្មើគ្នា ៤-៤ ដោយស៊ុតគ្នាសាហាវតែម្ដង។ យ៉ាងណាមិញ នៅល្ងាចនេះវិញ លោក ហៅ សុជាតិ គិតថានឹងមិនមានគ្រាប់បាល់ច្រើនទៀតទេ ត្បិតអីលោកមើលឃើញពីចំណុចខ្វះខាតច្រើនរបស់កូនក្រុមដែលធ្វើឱ្យរបូតគ្រាប់បាល់។
គ្រូបង្វឹកខាងលើបន្ថែមថាក្រុមរបស់លោកនឹងលេងការពារឱ្យល្អជាងការប្រកួតនៅទឹកដីវៀតណាម។ ស្របពេលការប្រកួតនៅកម្ពុជាផង នោះពួកគេនឹងលេងកាន់តែល្អជាងប្រកួតមុន បូកផ្សំជាមួយកម្លាំងថ្មី ចាន់ វឌ្ឍនាកា នឹងធ្វើឱ្យបឹងកេតកាន់តែមានសង្ឃឹម។ លោក សង្ឃឹមថាអ្នកគាំទ្រនឹងចូលទស្សនាការប្រកួតឱ្យបានច្រើន ដើម្បីជាកម្លាំងចិត្តដល់កីឡាករកម្ពុជា យកជ័យជម្នះឡើងទៅវគ្គបន្ដទៀត៕
ដកស្រង់ពី៖ Sabay