មួយ​ឃ្លា​របស់ De Bruyne បញ្ឆេះ​ពាក្យ​ចចាមអារ៉ាម Man City និង Sanchez

សេចក្ដីលម្អិត

ជំពូក៖ ព័ត៌មានកីឡា

ខ្សែប្រយុទ្ធ Kevin De Bruyne ក្នុងថ្ងៃនេះ បាននិយាយថា វានឹងរឿងមួយដ៏ល្អសម្រាប់ Manchester City បើសិនជាខ្សែប្រយុទ្ធ Alexis Sanchez មកចូលរួមមែន។

ពេលសួររឿងទាក់ទងនឹងចចាមអារ៉ាមនៃការផ្ទេរ Sanchez ខ្សែបម្រើប្រយុទ្ធ De Bruyne បាននិយាយថា៖ “Sanchez ជាកីឡាករដ៏ល្អមួយរូប។ ចំពោះការផ្ទេរ យើងចាំមើលទាំងអស់គ្នាថាមានអីកើតឡើងក្នុងទីផ្សារដោះដូរកីឡាករក្នុងខែមករានេះ"។

កីឡាករបែលហ្សិករូបនេះ បានបន្ត៖ "បើសិនជាគេមកមែន ច្បាស់ណាស់ថា វាគឺជារឿងដ៏ល្អសម្រាប់យើង ព្រោះវត្តមានកីឡាករល្អដូចរូបគេ នឹងជួយក្រុមបានច្រើន។ ទោះជាយ៉ាងណា បើគេមិនមកទេ ក៏មិនអីដែរ យើងមានក្រុមរបស់យើង"។

សូមបញ្ជាក់ផងដែរថា មួយរយៈចុងក្រោយនេះ មានពាក្យចចាមអារ៉ាមជាច្រើនលេចបន្លឺឡើងដែលថា ខ្សែប្រយុទ្ធ Alexis Sanchez អាចចាកចេញពី Arsenal ដើម្បីមកចូលរួមជាមួយក្លឹបយក្សពណ៌ផ្ទៃមេឃ Manchester City នៅក្នុងខែមករានេះ ជាមួយនឹងតម្លៃផ្ទេរប្រមាណ ៣៥លានផោន៕

ដកស្រង់ពី៖ Sabay