មិនណយ! ប្រាក់អាទិត្យ Son ច្រើនជាង Alli, Eriksen និង Lamela ទៀត!
- សេចក្ដីលម្អិត
- ជំពូក៖ ព័ត៌មានកីឡា
Tottenham Hotspur បានទិញ Son Heung-min ពី Bayer 04 Leverkusen កាលពី២០១៥ ក្នុងតម្លៃ ២២លានផោន និងផ្ដល់កុងត្រា រយៈពេល៤ឆ្នាំ។
ជាងពីររដូវកាលនៅទីក្រុងឡុងដ៍កីឡាករកូរ៉េខាងត្បូងបង្ហាញសមត្ថភាពល្អគួរ បង្ហាញខ្លួនក្នុងលីគបាន៨៤ប្រកួត ទាត់បញ្ចូលទី២៦គ្រាប់។ បើងាកទៅប្រាក់ថ្លៃពលកម្មវិញ Son ជាកីឡាករមានប្រាក់អាទិត្យថ្លៃមួយរូបក្នុងក្រុមទទួលបាន៨,៥ម៉ឺនផោន (ជាង១០ម៉ឺនដុល្លារ) ក្នុងមួយសប្ដាហ៍។
បើប្រៀបធៀបចំនួននេះគេមានប្រាក់បៀវត្សរ៍លើកីឡាករខ្លាំងៗរបស់ Tottenham Hotspur ជាច្រើន។ Dele Alli ដែលជាខ្សែបម្រើពូកែស៊ុតម្នាក់ស្ទើរតែក្រុមមិនអាចខ្វះបានទទួលបានត្រឹម៥ម៉ឺនផោនក្នុងមួយសប្ដាហ៍ប៉ុណ្ណោះ ឯ កីឡាករដែលជាអ្នកនាំលេង Christian Eriksen បាន៧,៥ម៉ឺនផោនក្នុងមួយសប្ដាហ៍ ខណៈ Erik Lamela បាន៧ម៉ឺនផោន។ Hugo Lloris ជាកីឡាករទទួលថ្លៃនឿយហត់ច្រើនជាងគេ១២ម៉ឺនផោន ឯ Jan Vertonghen និង Harry Kane បានម្នាក់១០ម៉ឺនផោន៕
ដកស្រង់ពី៖ Sabay