Real Madrid ទម្លាយមុខរបួសដែលស្ទើរតែចំភ្នែករបស់ Ronaldo
- សេចក្ដីលម្អិត
- ជំពូក៖ ព័ត៌មានកីឡា
Cristiano Ronaldo បានទទួល រងរបួស វិះនឹងត្រូវភ្នែក បន្ទាប់ពីប៉ះទង្គិច ជាមួយខ្សែការពារ Fabian Schar អំឡុងពេល Real Madrid យកឈ្នះ Deportivo La Coruna កាលពីថ្ងៃអាទិត្យ។
កីឡាករវ័យ៣២ឆ្នាំបានដើរចេញពីទីលានទាំងអាការៈខឹងសម្បារ ក្រោយត្រូវរបួស។ Ronaldo ត្រូវបានក្រុមគ្រូពេទ្យក្លឹបនាំចូលក្នុងបន្ទប់ផ្លាស់សំលៀកបំពាក់ដើម្បីជូតសម្អាតឈាមនិងពិនិត្យមុខរបួស។ Madrid ក៏មិនបានលាក់បាំងមុខរបួសរបស់កីឡាករដែរ ពួកគេបានបង្ហោះវីដេអូលើបណ្ដាញសង្គមរបស់ខ្លួនបង្ហាញពីរបួសរបស់ Ronaldo ដែលវិះនឹងចំភ្នែកឆ្វេងទៅហើយ។ កីឡាករសញ្ជាតិព័រទុយហ្គាល់បានរងរបួស ពេលរកបានគ្រាប់ទី៦ ដែលជាគ្រាប់ទីពីររបស់ខ្លួនក្នុងការប្រកួត ក្នុងជ័យជម្នះ ៧-១លើ Deportivo៕
ដកស្រង់ពី៖ Sabay