ទង់ដែល Ramos រុំលើកពាន UCL ជាទង់នីហ្សេរីយ៉ា?
- សេចក្ដីលម្អិត
- ជំពូក៖ ព័ត៌មានកីឡា
Sergio Ramos បានរួមចំណែកជួយ Real Madrid លើកពាន Champions League លើកទី៣ រដូវកាលជាប់ៗគ្នាក្រោយយកឈ្នះ Liverpool ៣ទល់នឹង១។
យ៉ាងណាក្រោយចប់ការប្រកួតប្រធានក្រុមស្តេចសបានយកទង់មួយរុំខ្លួនមានពណ៌ស និងបៃតងធ្វើឲ្យកើតចម្ងល់ថានោះគឺជាទង់អ្វី។ ប្រជាជននៅនីហ្សេរីយ៉ាជាច្រើនគិតថា Ramos បានយកទង់ប្រទេសរបស់ខ្លួនទៅរុំ ខណៈអ្នកខ្លះទៀតថា ហេតុអ្វីខ្សែការពារវ័យ៣២ឆ្នាំមិនរុំទង់ជាតិរបស់អេស្ប៉ាញ។
តាមពិតទង់ពណ៌ស បៃតងនោះមិនមែនទង់ជាតិនៃប្រទេសនីហ្សេរីយ៉ានោះទេ គឺជាទង់តំបន់មួយរបស់អេស្ប៉ាញមានឈ្មោះថា Andalusia ជាទឹកដីកំណើតរបស់ Ramos ដែលមានពណ៌ស និងបៃតងដូចគ្នាខុសតែ រូបនៅលើទង់ប៉ុណ្ណោះ៕
ដកស្រង់ពី៖ Sabay