Zaha ទទួល​សារ​គំរាម​សម្លាប់ ក្រោយ​ជួយ Crystal ស្មើ Arsenal

សេចក្ដីលម្អិត

ជំពូក៖ ព័ត៌មានកីឡា

ខ្សែប្រយុទ្ធរបស់ Crystal Palace កីឡាករ Wilfried Zaha បាននិយាយថា គេទទួលបានសាររើសអើងពូជសាសន៍និងគំរាមសម្លាប់ ក្រោយជួយក្រុមឲ្យមានបាល់ប៉េណាល់ទីចុងម៉ោងតាមស្មើ Arsenal ២-២ កាលពីថ្ងៃអាទិត្យ។

នុងការប្រកួតកន្លងទៅ Zaha បានព្យាយាមអូសបាល់ចូលប្រអប់គ្រោះថ្នាក់ បន្ទាប់មក Granit Xhaka របស់ Arsenal បានបង្កកំហុស ធ្វើឲ្យអាជ្ញាកណ្ដាលសម្រេចឲ្យបាល់ប៉េណាល់ទី។ Luka Milivojevic ជាអ្នកសម្រេចបាល់ប៉េណាល់ទីតាមស្មើឲ្យ Crystal។

Zaha បានតបទៅកាន់អ្នកគំរាមគេថា៖ "សម្រាប់មនុស្សដែលព្យាយាមរើសអើងនិងគំរាមសម្លាប់គ្រួសាររបស់ខ្ញុំ ខ្ញុំជូនពរអ្នកនិងគ្រួសាររបស់អ្នកជួបសំណាងល្អដូចគ្នា។ ជីវិតរបស់ខ្ញុំនៅតែល្អ ទោះបីអ្នកស្អប់ក៏ដោយ"។ ក្រោយបញ្ចប់ការប្រកួត Xhaka ក៏បាននិយាយក្នុងកិច្ចសម្ភាសន៍ គេគិតថាបាល់នោះសមនឹងប៉េណាល់ទីមែន៕

ដកស្រង់ពី៖ Sabay