ហុង ផេង ៖ កីឡាករមីយ៉ាន់ម៉ាណាខ្លះខ្លាំងយើងមិនខ្វល់ សំខាន់កម្ពុជាលេងជាក្រុម
- សេចក្ដីលម្អិត
- ជំពូក៖ ព័ត៌មានកីឡា
ក្រុមជម្រើសជាតិកម្ពុជា នឹងត្រូវតទល់ជាមួយក្រុមខ្លាំងមីយ៉ាន់ម៉ា វេលាម៉ោង ៦:៣០ នាទីល្ងាចនេះនៅទឹកដីមីយ៉ាន់ម៉ាទីលាន Mandalarthiri Stadium, Mandalay ក្នុងជំនួបសន្សំពិន្ទុពូល A នៃព្រឹត្តិការណ៍ AFF Suzuki Cup 2018 ។
មីយ៉ាន់ម៉ាបានឡើងទៅកាន់វគ្គ៤ក្រុមចុងក្រោយកាលឆ្នាំ២០១៦ ក្នុងព្រឹត្តិការណ៍ខាងលើ។ ដោយឡែកសម្រាប់ការប៉ះក្រុមខ្លាំងមួយនេះខ្សែការពារកណ្ដាលរបស់កម្ពុជា ហុង ផេង បាននិយាយយ៉ាងខ្លីថា ៖« ក្រុមគេ (មីយ៉ាន់ម៉ា) មានកីឡាករខ្លាំងៗដែរ តែអ្នកណាខ្លះខ្លាំងក៏យើងមិនខ្វល់។ សំខាន់ក្រុមយើងលេងជាក្រុម»។
ការប្រកួត ខាងលើសម្រាប់ ក្រុមកម្ពុជា ជាការប្រកួតទី២ បន្ទាប់ពីប្រកួតទី១ កម្ពុជាចាញ់ម៉ាឡេស៊ី ១-០ នៅទឹកដីកម្ពុជាពហុកីឡដ្ឋានជាតិ ស្របពេល មីយ៉ាន់ម៉ា ជាការប្រកួត សន្សំពិន្ទុលើកទី១ក្នុងពូល A របស់ពួកគេ ៕
ដកស្រង់ពី៖ Sabay