Sanchez និង Mata ត្រូវ Fan រិះគន់ ដោយសារសើចសប្បាយពេលក្រុមកំពុងចាញ់
- សេចក្ដីលម្អិត
- ជំពូក៖ ព័ត៌មានកីឡា
អ្នកគាំទ្ររបស់ក្លឹប Manchester United បានធ្វើការរិះគន់ដល់ Alexis Sanchez និង Juan Mata បន្ទាប់ពីអ្នកទាំងពីរបានសើចសប្បាយ អំឡុងពេលក្រុមកំពុងត្រូវ Man City នាំមុខ។
ក្រុមលោក Jose Mourinho ហាក់ពិបាករកបាល់លេងបន្តិច នៅពេលដែលជួយ Man City ដែលជាក្រុមចូលចិត្តរក្សាបាល់នៅនឹងជើងមិនទាត់ចេញខ្ជីខ្ជា ដោយចប់ការប្រកួត Man Utd ចាញ់ ៣-១។ ក្នុងការប្រកួតនេះ Jose បានដាក់ Marcus Rashford និង Anthony Martial ចាប់ដៃគ្នាប្រយុទ្ធខាងលើ តែពួកគេពិបាកក្នុងការទម្លុះសំណាញ់ទីរបស់ Man City ណាស់។
ក្នុងវគ្គទីមួយអំឡុងពេលក្រុមលោក Pep Guardiola កំពុងនាំមុខ ១-០ កាមេរ៉ាបានបែរចំ Sanchez និង Mata កំពុងជជែកគ្នាសើចយ៉ាងសប្បាយនៅកៅអីបម្រុង។ សកម្មភាពបែបនេះធ្វើឲ្យអ្នកគាំទ្រជាច្រើនមិនសប្បាយចិត្ត។ ពួកគេបានបង្ហាញអារម្មណ៍លើបណ្ដាញសង្គមថា Sanchez និង Mata នៅតែរីករាយ ខណៈក្រុមកំពុងចាញ់៕
ដកស្រង់ពី៖ Sabay