គីឡូធ្ងន់ Barca សងសឹក Levante ៣គ្រាប់ឡើងវគ្គបន្ត Copa del Rey
- សេចក្ដីលម្អិត
- ជំពូក៖ ព័ត៌មានកីឡា
Barcelona ដែលជើងទីមួយបានចាញ់២-១ នោះបានសងសឹក Levante បានវិញនៅជើងទីពីរដោយយកឈ្នះក្នុងលទ្ធផល ៣ទល់នឹង០នៅពាន Copa del Rey។
២គ្រាប់របស់ Ousmane Dembele នៅនាទី៣០ និង៣១ នៅវគ្គទីមួយគ្រប់គ្រាន់នឹងឲ្យ Barca មានប្រៀបសម្រាប់លទ្ធផលទាំងពីរជើង ប៉ុន្តែនៅវគ្គទីពីរ Lionel Messi បានបន្ថែម១គ្រាប់ទៀតឲ្យក្រុមជើងឯកចាស់មួយនេះឈ្នះដាច់ហើយឡើងទៅវគ្គ៨ក្រុម។ ១គ្រាប់យប់មិញគឺជាគ្រាប់បាល់ទី៧របស់ Messi ក្នុង៥ប្រកួតចុងក្រោយ។
លទ្ធផលគូផ្សេងទៀត Real Sociedad ស្មើគ្នា ២-២ Real Betis។ គូនេះ Betis ជាអ្នកឡើង ដោយយោង ទៅលើគ្រាប់បាល់ ចំណេញក្រៅដី២គ្រាប់ (Away goals)។ Espanyol ៣-១ Villarreal សរុបទាំងពីរជើង Espanyol ឈ្នះ ៥-៣៕
ដកស្រង់ពី៖ Sabay