Klopp ថាស្មើយប់មិញ មិនអាក្រក់ទេសម្រាប់ Liverpool
- សេចក្ដីលម្អិត
- ជំពូក៖ ព័ត៌មានកីឡា
លោក Jurgen Klopp អ្នកចាត់ការក្រុមហង្សក្រហម Liverpool បានចាត់ទុកការស្មើក្រុម Bayern Munich នៅយប់មិញនេះ គឺជាលទ្ធផលមិនអាក្រក់ពេកទេសម្រាប់ក្រុម។
Liverpool បានត្រឹមស្មើ ០-០ ប៉ុណ្ណោះជាមួយក្រុម Bayern Munich ក្នុងការប្រកួត UEFA Champions League វគ្គ១៦ក្រុមចុងក្រោយជើងទី១។ ក្រោយពីចប់ការប្រកួតនេះទៅ លោក Klopp អ្នកចាត់ការក្រុម Liverpool បាននិយាយថាលទ្ធផលនេះមិនអាក្រក់ទេសម្រាប់ក្រុមរបស់លោកដើម្បីទៅលេងនៅជើងទី២នាទឹកដីអាល្លឺម៉ង់។
លោកថា ស្មើ០-០ គឺគ្រាប់បើជាស្មើមានគ្រាប់បាល់ ឬបរាជ័យក្នុងការប្រកួតនេះ។ តែទោះជាយ៉ាងនេះក្ដី លទ្ធផលនេះដែរ មិនមែនជាអ្វីដែលលោកស្រមៃឃើញឡើយ។ក្នុងការប្រកួតយប់មិញនេះ គេឃើញថាក្រុមហង្សក្រហមមានឱកាសមាសច្រើនដែរ ប៉ុន្តែធ្វើមិនបានសម្រេច។
ជាពិសេសបាល់របស់ Mane ផ្ទាល់តែម្ដង ដែលគ្រប់គ្នាសឹងមិនជឿថាខ្សែប្រយុទ្ធរូបនេះមិនអាចបញ្ចប់ទីបាននោះ។ ការប្រកួតរវាងក្រុមទាំងពីរនឹងធ្វើឡើងម្ដងទៀតនៅថ្ងៃទី១៣ខែក្រោយ ដើម្បីកាត់ក្ដីរកក្រុមធ្លាក់និងឡើងទៅវគ្គបន្ដ៕
ដកស្រង់ពី៖ Sabay