ភ្នំពេញក្រោនទទួលបានការឧបត្ថម្ភពីក្លឹបប្រដាល់មួយឆ្នាំពេញ
- សេចក្ដីលម្អិត
- ជំពូក៖ ព័ត៌មានកីឡា
ក្លឹបបាល់ទាត់ល្បីឈ្មោះភ្នំពេញក្រោនទទួលបានការឧបត្ថម្ភពីក្លឹបហាត់ប្រាណប្រដាល់សម្រាប់បង្កើនសមត្ថភាពកាយសម្បទាឲ្យកាន់តែប្រសើរឡើងដែលពិធីចុះហត្ថលេខាបានធ្វើឡើងកាលពីរសៀលថ្ងៃទី២៥ ខែកុម្ភៈ ឆ្នាំ២០១៩។
លោក លី ហៀង អគ្គលេខាធិការក្លឹបភ្នំពេញក្រោនបាននិយាយថា កាយបណ្ដុះបណ្ដាលធនធានមនុស្សគឺផ្តោតទាំងប្រាជ្ញាស្មារតី និងកាយសម្បទា។ ការបណ្តុះបណ្ដាលកីឡាករបាល់ទាត់នៅតែទីលានម្យ៉ាងមិនគ្រប់គ្រាន់នោះទេគឺត្រូវបណ្ដុះបណ្ដាលនៅក្លឹបហាត់ប្រាណដែលមានសម្ភារៈទំនើបគ្រប់គ្រាន់ទើបកាន់តែល្អប្រសើរ ពីព្រោះកាយសម្បទាគឺជាមូលដ្ឋានគ្រឹះដ៏សំខាន់ណាស់។
នេះជាឱកាសមួយដែលក្លឹបភ្នំពេញក្រោនទទួលបានការឧបត្ថម្ភពីក្លឹបប្រដាល់។ ជាមួយគ្នានេះ តំណាងក្លឹបហាត់ប្រាណប្រដាល់បានបញ្ជាក់ថា តាមពិតទៅការសហការនេះមិនមែនសម្រាប់ក្លឹបអាជីពភ្នំពេញក្រោនតែមួយនេះទេ។ ប្រសិនបើក្លឹបអាជីពផ្សេងៗទៀតដែលមានបំណងសហការ នោះខាងលោកនឹងទទួលស្វាគមន៍ជានិច្ច។ ការឧបត្ថម្ភនេះគឺកីឡាករ កីឡាការិនី ក្រុមគ្រូបង្វឹក មន្ត្រី និងយុវជនរបស់ក្លឹបទៅហាត់បានមួយឆ្នាំពេញតែម្តង៕
ដកស្រង់ពី៖ Sabay