បឹងកេត បោះជំរំហ្វឹកហាត់៥ថ្ងៃនៅខេត្តកំពតមុនលីគចាប់ផ្ដើម
- សេចក្ដីលម្អិត
- ជំពូក៖ ព័ត៌មានកីឡា
ក្រុមបឹងកេត នឹងទៅបោះជំរំហ្វឹកហាត់៥ថ្ងៃនៅឯខេត្តកំពតចាប់ពីថ្ងៃទី៤ដល់៨ខែមីនាឆ្នាំ២០១៩ ដើម្បីពង្រឹងសមត្ថភាពក្រុមឱ្យកាន់តែខ្លាំងថែមទៀត ត្រៀមលីគកំពូលកម្ពុជា។
យោងតាម Page ផ្លូវការរបស់ក្លឹប បានបញ្ជាក់ថានៅក្នុងបេសកកម្មដ៏សំខាន់នេះ ក្រុមកីឡាករ និងគ្រូបង្វឹករបស់យើង មានកម្មវិធីជាច្រើនដូចជា ធ្វើការហ្វឹកហាត់ ហើយក៏នឹងមានការប្រកួតមិត្តភាព ១លើកផងដែរ ជាមួយក្រុមបាល់ទាត់ បូរីរ័ត្ន អេហ្វស៊ី ដែលនឹងប្រព្រឹត្តិទៅក្នុងថ្ងៃទី៧ នៅឯទីលានបាល់ទាត់ខេត្តកំពតផងដែរ។
សូមបញ្ជាក់ថាការប្រកួតលីគកំពូលកម្ពុជា នឹងចាប់ផ្ដើមនៅថ្ងៃទី១៦ខែមីនាឆ្នាំ២០១៩នេះហើយ។ ក្រុមទាំងអស់មាន១៤ក្រុមប្រកួតប្រជែងគ្នាស្វែងរកជើងឯក៕
ដកស្រង់ពី៖ Sabay