ថាមពលថ្មរបស់ Galaxy S10e នៅមិនទាន់អាចប្រើប្រាស់បានក្នុងរយៈពេលយូរនោះទេ!
- សេចក្ដីលម្អិត
- ជំពូក៖ ព័ត៌មានកីឡា
Galaxy S10e ត្រូវបានប្រកាសចេញជាផ្លូវការ កាលពីថ្ងៃទី 20 ខែកុម្ភៈ ឆ្នាំ 2019 កន្លងទៅ តំណាលគ្នាជាមួយ Galaxy S10 និង Galaxy
S10+ ដែរ ប៉ុន្តែសម្រាប់ថ្ងៃចេញលក់ជាផ្លូវការនោះ គឺមិនដូចគ្នាឡើយ។ ជាក់ស្តែង ម៉ូឌែល Galaxy S10 & S10+ ត្រូវបាន ចេញ លក់ លើទីផ្សារប្រទេសយើងហើយ ក្រោយពីបញ្ចប់ការដាក់អោយកុម្ម៉ង់រួចមក ចំណែក Galaxy S10e វិញ នៅមិនទាន់ប្រាកដនៅឡើយទេថា វានឹងចេញលក់ជាផ្លូវការ នៅពេលណានោះ។
ចំពោះ Galaxy S10e នេះ គឺមានភាពទាក់ទាញ ជាមួយជម្រើសពណ៌ជាច្រើនរបស់វា ហើយលក្ខណៈសម្បត្តិទៀតសោត ក៏មានចំនុចល្អច្រើន ចំណែកឯតម្លៃ ក៏ទាបជាង Galaxy S10 និង Galaxy S10+ ផងដែរ។ បើងាយមកមើលកម្លាំងថ្មរបស់ Galaxy S10e វិញ គឺមានទំហំតូចត្រឹម 3100mAh ខណៈដែលថាមពលថ្មរបស់ Galaxy S10 មានទំហំ 3400mAh និងថាមពលថ្ម Galaxy S10+ មានទំហំ 4100mAh ឯណោះ។ យ៉ាងណា សម្រាប់ពេលនេះ លទ្ធផលរយៈពេលនៃការប្រើប្រាស់ លើទូរសព្ទ Galaxy S10e ក៏ត្រូវបានគេបង្ហាញជាតារាងមួយ ដើម្បីប្រៀបធៀបគ្នា ថាតើវាអាចប្រើបានប៉ុន្មានម៉ោងផងដែរ។
ក្នុងនោះក៏មានការប្រៀបធៀបរវាង ថាមពលថ្មរបស់កំពូលស្មាតហ្វូនផ្សេងៗដូចជា Galaxy S10+, Galaxy Note 9, iPhone XS Max, iPhone XS, iPhone XR, Pixel 3 XL, Pixel 3 និង OnePlus 6T ដែលសុទ្ធសឹងជាម៉ូឌែលកំពូលៗ ចុងក្រោយដូចគ្នា។
• Galaxy S10e ប្រើបានរយៈពេល 7 ម៉ោង 00 នាទី
• Galaxy S10+ ប្រើបានរយៈពេល 7 ម៉ោង 59 នាទី
• Galaxy Note 9 ប្រើបានរយៈពេល 8 ម៉ោង 56 នាទី
• iPhone XS Max ប្រើបានរយៈពេល 9 ម៉ោង 34 នាទី
• iPhone XS ប្រើបានរយៈពេល 8 ម៉ោង 37 នាទី
• iPhone XR ប្រើបានរយៈពេល 11 ម៉ោង 01 នាទី
• Pixel 3 XL ប្រើបានរយៈពេល 7 ម៉ោង 39 នាទី
• Pixel 3 ប្រើបានរយៈពេល 8 ម៉ោង 22 នាទី
• OnePlus 6T ប្រើបានរយៈពេល 9 ម៉ោង 52 នាទី
សរុបមក ទំហំថាមពលថ្មរបស់ Galaxy S10e គឺមិនអាចកំដរការប្រើប្រាស់ បានរយៈពេលយូរពេកនោះទេ គឺបានត្រឹមតែ 7 ម៉ោង ប៉ុណ្ណោះ។ លើសពីនេះ បើធៀបជាមួយថាមពលថ្មរបស់ iPhone XS Max មានទំហំធំជាងបន្តិច (3174mAh) គឺប្រើបានយូរដល់ទៅជាង 2 ម៉ោងកន្លះ ហើយសម្រាប់ iPhone XR ដែលជាគូរប្រជែងពណ៌វិញ អាចប្រើប្រាស់ 11 ម៉ោង 01នាទី ជាមួយទំហំថ្ម 2942mAh គឺប្រើបានយូរជាងឆ្ងាយណាស់ តែនេះអាចបណ្តាលមកពីប្រភេទអេក្រង់របស់ XR ស្ថិតក្នងកម្រិតទាបជាង ផងដែរ។ ទោះយ៉ាងណា យើងអាចសន្មត់បានថា សមត្ថភាពថ្មលើ Galaxy S10e គឺពិតជានៅមិនទាន់ប្រើបានយូរល្អនោះឡើយទេ ព្រោះបើធៀបជាមួយ ម៉ូឌែល ផ្សេងៗ ដែលមានទំហំថ្មតូចជាងមែន តែបែរជាអាចប្រើបានយូរជាងទៅវិញ។
http://www.cambo-report.com/article/15543