Mbappe ឆក់យកកំណត់ត្រា Benzema នៅក្រុមជម្រើសជាតិបារាំង
- សេចក្ដីលម្អិត
- ជំពូក៖ ព័ត៌មានកីឡា
Kylian Mbappe បានក្លាយជាកីឡាករវ័យក្មេងបំផុតដែលបង្ហាញខ្លួន៣០ប្រកួតឲ្យក្រុមជម្រើសជាតិឈុតធំបារាំងលេងប្រកួតកាលពីយប់មិញ។
ខ្សែប្រយុទ្ធវ័យ២០ឆ្នាំលេងគម្រប់ទី៣០ទល់នឹងអ៊ីស្លង់ និងស៊ុតបាន១គ្រាប់នៅនាទី៧៨ជួយបារាំងយកឈ្នះគូប្រកួតដោយលទ្ធផល ៤-០ នៅវគ្គជម្រុះ Euro ឆ្នាំ២០២០។ កាលពីឆ្នាំ២០១០ Karim Benzema បានក្លាយជាកីឡាករក្មេងបំផុតបង្ហាញខ្លួន៣០ប្រកួតឲ្យបារាំង ប៉ុន្តែ Mbappe បានបំបែកកំណត់ត្រាធ្វើបានលឿនជាងរៀមច្បង៦ខែ។
តារាឆ្នើម Paris Saint Germain បង្ហាញខ្លួនលើកដំបូងឲ្យបារាំងដែលមានរហស្សនាមថា Les Bleus កាលពីឆ្នាំ២០១៧ក្នុងប្រកួតប៉ះ Luxembourg និងស៊ុតបញ្ចូលទីគ្រាប់ទីមួយពេលប៉ះ ហូឡង់ក្នុងវគ្គជម្រុះ World Cup កាលពីឆ្នាំមុន៕
ដកស្រង់ពី៖ Sabay