ខ្សែការពារប្រេស៊ីលរបស់ក្រោន របួសជង្គង់ធ្ងន់ មិនអាចបន្ដលេងបានទៀតទេ
- សេចក្ដីលម្អិត
- ជំពូក៖ ព័ត៌មានកីឡា
ខ្សែការពារ Jhonata Sant’anna មិនអាចជួយក្រុមភ្នំពេញក្រោនបានទៀតទេ ដោយសារតែមានរបួសជង្គង់ធ្ងន់ធ្ងរ ត្រូវសម្រាកព្យាបាលច្រើនខែ។
របួសជង្គង់នេះកើតឡើងតាំងពីប្រកួតទល់ក្រុមព្រះខ័នរាជស្វាយរៀងមក ហើយបើតាមការពិនិត្យមើលទៅ រូបគេត្រូវសម្រាកព្យាបាលពី៦ទៅ៨ខែឯណោះ ទើបអាចចូលលេងវិញបាន។ ដោយសារតែហេតុដូច្នេះហើយ ទើបរូបគេបានសម្រេចបញ្ចប់កុងត្រាជាមួយក្រុមភ្នំពេញក្រោនតែម្ដង ដើម្បីទៅព្យាបាលរបួស។
កីឡាករប្រេស៊ីលរូបនេះបានចូលរួមជាមួយក្លឹបបាល់ទាត់ភ្នំពេញក្រោនកាលពីខែធ្នូ ឆ្នាំ២០១៨ហើយរូបគេបានរួមចំណែកជាមួយមិត្តរួមក្រុមក្នុងការប្រកួតពានរង្វាន់លីគកំពូលកម្ពុជាចំនួន៤លើក ពោលគឺគ្រប់ការប្រកួតដែលភ្នំពេញក្រោនបានលេងនាពេលកន្លងមកនេះ៕
ដកស្រង់ពី៖ Sabay