Emery ចង់បង្កើតប្រវត្តិសាស្ត្រថ្មីឲ្យ Arsenal នៅ Europa
- សេចក្ដីលម្អិត
- ជំពូក៖ ព័ត៌មានកីឡា
Unai Emery ដែលមានស្នាដៃដឹកនាំ Sevilla ឈ្នះពាន Europa League ជោកជាំនោះ មានបំណងឲ្យ Arsenal ភ្លក់រសជាតិពាននេះនឹងគេនៅរដូវកាលនេះ។
ក្រុមរហស្សនាមថាកាំភ្លើងធំត្រូវប្រឈមមុខជាមួយ Valencia នៅយប់ថ្ងៃព្រហស្បតិ៍នេះ សម្រាប់ជើងទីមួយវគ្គពាក់កណ្ដាលផ្ដាច់ព្រ័ត្រ ហើយបើអាចឆ្លងផុតពួកគេនឹងត្រូវប្រឈមមុខជាមួយ Chelsea ឬ Eintracht Frankfurt នៅ Final។
Emery ធ្លាប់ឈ្នះពាន Europa ៣សម័យកាលជាប់ៗគ្នាកាលដឹកនាំ Sevilla ខណៈដែល Arsenal មិនធ្លាប់ឈ្នះពាននេះទេពីមុនមក ដូច្នេះទើបអ្នកចាត់ការសញ្ជាតិអេស្ប៉ាញចង់បង្កើតប្រវត្តិសាស្ត្រថ្មីជាមួយក្លឹប។ បើជោគជ័យមែននោះ កាំភ្លើងធំមិនត្រឹមឈ្នះពានប៉ុណ្ណោះទេ តែពួកគេថែមទាំងមានកៅអី Champions League ស្វ័យប្រវត្តិទៀតផង៕
ដកស្រង់ពី៖ Sabay