បណ្តាញសង្គម

Pep ថា​មិន​ទៅ​ដឹក​​នាំ​នៅ Juventus ទេ លុះ​ត្រា​តែ​ Man City ដេញ​លោក​ចេញ

Pep Guarduola បាននិយាយ វាជារឿងមិនអាចទៅរួចសម្រាប់លោកដែលចាកចេញពី Manchester City ទៅចូលរួមជាមួយក្លឹបយក្សអ៊ីតាលី Juventus។

សេចក្ដីរាយការណ៍ពីប្រទេសអ៊ីតាលីបានចុះផ្សាយថា Guarduola នឹងទៅជំនួសកន្លែងលោក Massimiliano Allegri ក្នុងទីក្រុង Turin ក្នុងរដូវក្ដៅនេះ និងយល់ព្រមចុះកុងត្រា៤ឆ្នាំ។ យ៉ាងណាមិញអ្នកចាត់ការរបស់ Man City បានចេញមកបដិសេធភ្លាមៗ ក្រោយក្រុមរបស់លោកយកឈ្នះ Watford ៣-១ កាលពីថ្ងៃសៅរ៍។

“ខ្ញុំនៅសល់កុងត្រា២ឆ្នាំទៀតនៅទីនេះ តើខ្ញុំទៅណា? វាមិនអាចទៅរួចទេ លើកលែងតែក្លឹបដេញខ្ញុំចេញ។ ប្រសិនបើ Manchester City នៅត្រូវការខ្ញុំ ខ្ញុំនឹងនៅបន្ត២ឆ្នាំទៀត ហើយសង្ឃឹមអាចនៅបន្តទៅមុខទៀត។ ខ្ញុំនឹងមិនទៅ Juventus ក្នុងរយៈពេល២ឆ្នាំខាងមុខនេះទេ"។ សម្ដីរបស់លោក Pep៕

ដកស្រង់ពី៖ Sabay