អូស្រ្តាលី ត្រៀមខ្លួនសម្រាប់ភ្លើងឆេះព្រៃបន្ថែមទៀតដោយសីតុណ្ហភាព ហក់ឡើងខ្ពស់

Details

Category: International News

មន្រ្តីអូស្រ្តាលី កាលពីថ្ងៃអង្គារ បានព្រមានសហគមន៍នានា ដែលរងការវាយប្រហារខ្លាំងនៅរដ្ឋភាគខាងកើត ឲ្យពង្រឹងប្រព័ន្ធការពារភ្លើងឆេះ ខណៈសីតុណ្ហភាព ហក់ឡើងខ្ពស់ និងខ្យល់បក់ខ្លាំង បានវិលត្រឡប់មកវិញ ដោយគម្រាមកំហែងបង្កជាអណ្តាតភ្លើងខ្លះៗ និងចាប់ផ្តើមឆេះកន្លែងថ្មីៗ។

ចាប់តាំងពីខែកញ្ញាមក អូស្ត្រាលី បានកំពុងប្រយុទ្ធនឹងភ្លើងឆេះព្រៃដែលបានសម្លាប់មនុស្សចំនួន ៣៣ នាក់ និងអម្បូរសត្វក្នុងស្រុកប្រហែល ១ ពាន់លានក្បាល ខណៈដែលផ្ទះចំនួន ២.៥០០ និងតំបន់មួយដែលទំហំនៃប្រទេសក្រិក ត្រូវបានបំផ្លាញ។

ក្រុមអ្នកពន្លត់អគ្គីភ័យ បានប្រើប្រាស់អាកាសធាតុត្រជាក់ និងអ័ព្ទ រាប់សិបថ្ងៃ ពាសពេញផ្ទៃទ្វីប ដើម្បីព្យាយាមគ្រប់គ្រងលើអណ្តាតភ្លើងជាង ១០០ កន្លែង ដែលនៅតែបន្តឆេះ មុនពេលអាកាសធាតុដើមត្រលប់មកវិញ។

សេវាកម្មអគ្គីភ័យជនបទនៅ New South Wales បាននិយាយនៅលើបណ្តាញ Twitter ថា “អាកាសធាតុក្តៅ ស្ងួត និងខ្យល់” ត្រូវបានព្យាករណ៍នៅថ្ងៃនេះ។

ស្ថានភាពកាន់តែយ៉ាប់យ៉ឺន ត្រូវបានព្យាករណ៍នៅចុងសប្តាហ៍នេះ ដូច្នេះគ្រប់គ្នា ត្រូវតែត្រៀមខ្លួនឥឡូវនេះ នេះបើតាមការផ្សាយរបស់ CNA កាលពីថ្ងៃអង្គារ ។