Warning: include(styles.php) [function.include]: failed to open stream: No such file or directory in /home/www/pditbaungkhmum.org/templates/as002035free/component.php on line 23

Warning: include() [function.include]: Failed opening 'styles.php' for inclusion (include_path='.:/usr/local/php5/lib/php') in /home/www/pditbaungkhmum.org/templates/as002035free/component.php on line 23

ប្រមុខកងទ័ពអង់គ្លេស ព្រមានថាពិភពលោក កំពុងប្រឈមមុខនឹងហានិភ័យនៃសង្រ្គាមលោកលើកទី៣

  • Print

  (ឡុងដ៍)៖ ប្រមុខកងទ័ពអង់គ្លេស លោក Nick Carter បានព្រមានថាភាពមិនច្បាស់លាស់នៃសកលលោកនាពេលបច្ចុប្បន្ន រួមទាំងការព្រួយបារម្ភពីវិបត្តិសេដ្ឋកិច្ចដែលបង្ក ឡើងដោយ COVID-19 អាចនឹងរុញច្រានពិភពលោក ស្ថិតនៅមាត់ជ្រោះនៃសង្រ្គាមលោកលើកទី៣។

នេះបើតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃអាទិត្យ ទី០៨ ខែវិច្ឆិកា ឆ្នាំ២០២០។ លោក Nick Carter ធ្វើការកតសម្គាល់បែបនេះ នៅក្នុងបទសម្ភាសន៍មួយ នៅថ្ងៃអាទិត្យនេះ ចំថ្ងៃនៃការរំលឹកខួបដល់ទាហានអង់គ្លេស ដែលបានស្លាប់ និងរបួសនៅក្នុង សង្រ្គាម។

លោក Nick Carter បានគូសបញ្ជាក់ដូច្នេះថា៖ «ខ្ញុំគិតថាយើងកំពុងរស់នៅក្នុងពេលវេលាមួយ ដែលពិភពលោក កំពុងស្ថិតនៅក្នុងភាពមិនច្បាស់លាស់ និងការព្រួយបារម្ភពីវិបត្តិសេដ្ឋកិច្ចបង្កឡើងដោយ COVID-19 ហើយនេះធ្វើឱ្យខ្ញុំយល់ថាពិភពលោកអាចនឹងប្រឈមមុខជម្លោះទូទាំងតំបន់ជាច្រើន ដែលវាអាចនឹងបង្ក ទៅជាសង្រ្គាមលោកថ្មីមួយ»។

គួរជម្រាបថា បើតាមលោក Nick Carter ដែលបានក្លាយជាប្រមុខកងទ័ពអង់គ្លេស ក្នុងឆ្នាំ២០១៨ វាពិតជាមានសារៈសំខាន់ណាស់ដែលគេទាំងអស់គ្នាត្រូវតែចងចាំ ចំពោះអ្នកដែលបានស្លាប់ក្នុងសង្រ្គាម ពីព្រោះវាគឺជាសារព្រមានមួយកុំឱ្យនរណាម្នាក់ ប្រព្រឹត្តកំហុសឆ្គងកាលពីអតីតកាលសាជាថ្មី៕

ដកស្រង់ពី៖ Fresh News