ហ្វីលីពីន នឹងចាក់វ៉ាក់សាំង COVID-19 ដល់អ្នកណា ដែលចង់តែប៉ុណ្ណោះ
- Details
- Category: International News
ប្រធានាធិបតីហ្វីលីពីនលោក Rodrigo Duterte បានបញ្ជារដ្ឋាភិបាលរបស់លោក កាលថ្ងៃពុធ-ម្សិលមិញនេះ ឲ្យបើកយុទ្ធនាការចាក់វ៉ាក់សាំងការពារជំងឺកូវីដ ១៩ ដល់អ្នកណា ដែលចង់ចាក់តែប៉ុណ្ណោះ ខណៈប្រទេសរបស់លោក ព្យាយាមការពារប្រជាជនពីវីរុសបម្លែងថ្មី ដែលងាយឆ្លងជាងមុន។
ដោយមានត្រឹមតែ ៦% នៃប្រជាជន ១១០ លាននាក់របស់ប្រទេសហ្វីលីពីន ដែលបានចាក់វ៉ាក់ សាំងការពារប្រឆាំងនឹងជំងឺកូវីដ -១៩ ពេញលេញ ហើយមនុស្សរាប់លាននាក់ នៅតែងាយឆ្លងមេរោគ។ រដ្ឋាភិបាល មានបំណងចាក់ថ្នាំបង្ការដល់ប្រជាជន ៧០ លាននាក់ ឱ្យបានពេញលេញ មុនដំណាច់ឆ្នាំនេះ។
វាមិនច្បាស់ភ្លាមៗទេ ថាតើការណែនាំរបស់លោក មានន័យថា វ៉ាក់សាំង អាចត្រូវបានផ្តល់ឱ្យតែប្រជាជនហ្វីលីពីន ដោយមិនរាប់បញ្ចូលក្រុមអាទិភាពរបស់រដ្ឋាភិបាល។ដោយសារការផ្គត់ផ្គង់មានកំណត់ អាទិភាព ត្រូវបានដល់បុគ្គលិកថែទាំសុខភាព មនុស្សចាស់មនុស្សមានបញ្ហាសុខភាពស្រាប់ និងយុវវ៍យត្រូវបំពេញការងារ។
រហូតមកដល់ពេលនេះប្រទេសនេះ មានករណីឆ្លងវីរុសបម្លែងថ្មី Delta ចំនួន ១១៩ ករណី ប៉ុន្តែអ្នកជំនាញសុខាភិបាល និយាយថា អាចមានករណីដែលមិនបានរកឃើញបន្ថែមទៀត ដោយសារតែល្បឿនយឺតនៃសមត្ថភាពលំដាប់ហ្សែនរបស់ប្រទេស។
របាយការណ៍ករណីឆ្លងប្រចាំថ្ងៃ បានចាប់ផ្តើមកើនឡើងនាពេលថ្មីៗនេះ ហើយអាជ្ញាធរ នៅសប្តាហ៍នេះ បានផ្អាកការធ្វើដំណើរពីប្រទេសម៉ាឡេស៊ី និងថៃ ក៏ដូចជាបន្តរឹតបន្តឹងនៅក្នុង និងជុំវិញទីក្រុងម៉ានីល។ លោក Duterte ក៍បានបញ្ជាឱ្យមេភូមិ ហាមឃាត់ប្រជាជននៅក្នុងសហគមន៍របស់ពួកគេ ដែលមិនព្រមចាក់វ៉ាក់សាំង ចេញពីផ្ទះដាច់ខាត។
ដោយមានករណីឆ្លង ជាង ១ លាន ៥ សែននាក់ និងមានមនុស្សស្លាប់ជាង ២៧.០០០ នាក់ ប្រទេសហ្វីលីពីន ជាប្រទេសដែលមានការផ្ទុះឡើងអាក្រក់ទី ២ នៅអាស៊ីអាគ្នេយ៍ បន្ទាប់ពីប្រទេសឥណ្ឌូនេស៊ី នេះបើតាមការផ្សាយ CNA/Reuters កាលពីថ្ងៃពុធ-ម្សិលមិញនេះ។