មេដឹកនាំ G7 ផ្សេងទៀត គ្រោងដាក់សម្ពាធលោក Biden ដើម្បីពន្យារពេល ការជម្លៀសប្រជាជននៅទីក្រុងកាប៊ុល

Details

Category: International News

 ប្រធានាធិបតីអាមេរិកលោក Joe Biden នឹងប្រឈមមុខសម្ពាធ ក្នុងការពន្យារពេលផុតកំណត់ថ្ងៃទី ៣១ ខែសីហា ដើម្បីជម្លៀសមនុស្សរាប់ពាន់នាក់ ដែលកំពុងស្វែងរកភៀសខ្លួនពីក្រុមតាលីបង់នៅអាហ្វហ្គានីស្ថាន នៅពេលដែលលោក ជួបមេដឹកនាំក្រុម (G7) នៅក្នុងកិច្ចប្រជុំតាមវីឌីអូមួយនៅថ្ងៃអង្គារ។

បណ្តាប្រទេសលោកខាងលិច កំពុងជួបការលំបាកក្នុងការនាំយកពលរដ្ឋរបស់ខ្លួនមកស្រុកវិញនិងហ្វូងមនុស្សអាហ្វហ្កាន ដែលអស់សង្ឃឹមនៅឯអាកាសយានដ្ឋានក្រុងកាប៊ុល ដែលកំពុងស្វែងរកភៀសខ្លួនចេញពីប្រទេស ដោយខ្លាចមានការសងសឹក បន្ទាប់ពីក្រុមសកម្មប្រយុទ្ធតាលីបង់ បានកាន់កាប់កាលពីមួយសប្តាហ៍មុន។

មានភាពច្របូកច្របល់នៅព្រលានយន្តហោះ ដោយមានមនុស្សប្រហែល ២០ នាក់ បានស្លាប់ដោយសារការរត់ជាន់គ្នា និងការបាញ់ប្រហារ ចំពេលមានការភ័យស្លន់ស្លោ ដើម្បីចាប់ជើងហោះហើរចេញពីប្រទេស មុនពេលសហរដ្ឋអាមេរិក និងសម្ព័ន្ធមិត្ត ដកកងទ័ពរបស់ពួកគេចេញ នៅក្នុងកិច្ចប្រជុំរបស់ពួកគេ មេដឹកនាំមកពីក្រុម G7 នៃប្រទេស ដែលមានជាងគេបំផុត រួមមានសហរដ្ឋអាមេរិក អ៊ីតាលី បារាំង អាល្លឺម៉ង់ ជប៉ុន និងកាណាដា នឹងផ្តោតលើកិច្ចខិតខំប្រឹងប្រែងជម្លៀស ក៏ដូចជាអនាគតវែងឆ្ងាយសម្រាប់អាហ្វហ្គានីស្ថាន។

រដ្ឋមន្ត្រី Boris Johnson នឹងធ្វើជាប្រធានសន្និសីទនេះ។ ការិយាល័យរបស់ Johnson បាននិយាយថា មេដឹកនាំ ត្រូវបានគេរំពឹងថា នឹងបញ្ជាក់ជាថ្មីនូវការសន្យាមួយ ដើម្បីការពារផលចំណេញ ដែលបានធ្វើនៅក្នុងប្រទេសអាហ្វហ្គានីស្ថានក្នុងរយៈពេល ២០ ឆ្នាំចុងក្រោយនេះ ជាពិសេសជុំវិញការអប់រំរបស់ក្មេងស្រី និងសិទ្ធិស្ត្រី។

កិច្ចប្រជុំនេះ នឹងពិភាក្សាអំពីទណ្ឌកម្មសេដ្ឋកិច្ច ដែលអាចកើតមាន និងថាតើត្រូវបញ្ឈប់ជំនួយដែរឬទេ ប្រសិនបើតាលីបង់ បានរំលោភបំពានសិទ្ធិមនុស្ស ឬអនុញ្ញាតឱ្យទឹកដីរបស់ពួកគេ ត្រូវបានប្រើជាជម្រករបស់ពួកសកម្មប្រយុទ្ធ។

ប្រភពការទូត បាននិយាយថា នឹងមានការអំពាវនាវឱ្យមានការឯកភាពគ្នា ថាតើ នៅពេលណា និងថាតើ ត្រូវទទួលស្គាល់ជាផ្លូវការថា តាលីបង់ ជាមេដឹកនាំប្រទេសឬយ៉ាងណា នេះបើតាមការផ្សាយរបស់ CNA/Reuters នៅព្រឹកថ្ងៃអង្គារនេះ។