ជើងហោះហើរជប៉ុនជាង 100 ត្រូវបានលុបចោល ដោយសារព្រិលធ្លាក់ខ្លាំង
- Details
- Category: International News
ក្រុមហ៊ុនអាកាសចរណ៍ធំៗពីររបស់ប្រទេសជប៉ុន បានឲ្យដឹងថា ជើងហោះហើរក្នុងស្រុកជាង 100 នៅប្រទេសជប៉ុន ត្រូវបានផ្អាកកាលពីថ្ងៃអាទិត្យ (26 ធ្នូ) ដោយសារតែព្រិលធ្លាក់ខ្លាំងនៅតំបន់ភាគខាងជើង និងខាងលិចនៃប្រទេស។
លោក Hiroaki Hayakawa នាយកផ្នែកប្រតិបត្តិការរបស់ក្រុមហ៊ុនអាកាសចរណ៍ បាននិយាយថា ក្រុមហ៊ុន ANA Holdings បានផ្អាកជើងហោះហើរចំនួន 79 គិតត្រឹមម៉ោង 4 រសៀលម៉ោងក្នុងស្រុក ដែលប៉ះពាល់ដល់អ្នកដំណើរប្រហែល 5,100 នាក់។
ហើយក្រុមហ៊ុន Japan Airlines ក៏បានលុបចោលជើងហោះហើរចំនួន 49 គិតត្រឹមម៉ោង 4 ល្ងាចម៉ោងក្នុងស្រុក ដែលប៉ះពាល់ដល់អ្នកដំណើរចំនួន 2,460 នាក់ ផងដែរ។ នៅទូទាំងពិភពលោក ជើងហោះហើររាប់ពាន់ ត្រូវបានលុបចោលនៅចុងសប្តាហ៍បុណ្យណូអែល ដោយសារតែការរីករាលដាលយ៉ាងឆាប់រហ័សនៃមេរោគបម្លែង Omicron ។
ប្រទេសជប៉ុន ដែលបានរឹតបន្តឹងការគ្រប់គ្រងព្រំដែន ដើម្បីទប់ទល់នឹងការគំរាមកំហែងពី Omicron បានរាយការណ៍តែអំពីករណីឆ្លងចំនួនជាង១០ នៃការឆ្លងក្នុងសហគមន៍នៃវ៉ារ្យ៉ង់ថ្មី និងការឆ្លង Omicron សរុបចំនួន 231 រួមទាំងការមកដល់ពីបរទេស នេះបើតាមការផ្សាយរបស់ CNA/Reuters កាលពីយប់ថ្ងៃអាទិត្យ។
