កប៉ាល់កាស៊ីណូ ដែលបាត់ខ្លួនក្នុងព្យុះ អស់រយៈពេល ៨០ឆ្នាំ បក់អណ្តែតមកទើលើកោះ Coronado
- Details
- Category: International News
SS Monte Carlo គឺកប៉ាល់ដឹកប្រេង ដ៏ធំមួយ នៅក្នុងសម័យ ឆ្នាំ១៩២១ ប៉ុន្តែក្រោយមកវាត្រូវបាន គេយកមកកែច្នៃឡើងវិញ ឲ្យទៅជាកប៉ាល់កំសាន្ត បែបកាស៊ីណូ និងសេវាស្រី រកស៊ីផ្លូវភេទវិញ នៅក្នុងឆ្នាំ១៩៣៦ ។
Monte Carlo នៅកាលពីថ្ងៃចូលឆ្នាំ នៅក្នុង ឆ្នាំ១៩៣៧ ខ្យល់ព្យុះ បានបក់បោក យកកប៉ាល់នេះ ចេញពីច្រាំង តែពុំត្រូវបាន អ្នកណាហ៊ាន អះអាងក្នុងការ ទាញយកវា មកវិញនោះទេ ដោយសារតែ មុខជំនួញកាស៊ីណូ និង ការរកស៊ីផ្លូវភេទ ដែលមាននៅលើនោះ គឺត្រូវបានច្បាប់ ចេញប្រកាស ប្រឆាំងរួចទៅហើយ ។
អ្នកដែលធ្លាប់បានដឹង ពីរឿងរ៉ាវនៃប្រវត្តិ នៃកប៉ាល់ដែលក្រោយ មកវាត្រូវបានទឹក បោកអណ្តែត មកទើលើច្រាំង នៅលើកោះ Coronado វិញក្រោយ ៨០ឆ្នាំ នៃការបាត់ខ្លួនចេញ ពីច្រាំងបាន និយាយថា យ៉ាងហោចណាស់ក៏មាន ទ្រព្យសម្បតិ្តមានតំលៃ ដូចជាកាក់ប្រាក់ ប្រមាណជា ១៥០០០០ដុល្លារ ដែរដែលត្រូវ បានលេចទៅ ជាមួយគ្នានឹង កប៉ាល់នេះ ៕
ដកស្រង់ពី៖ដើមអម្ពិល